اتالعان شەشىم پرەزيدەنتتىڭ ەلدەگى توتەنشە جاعداي كەزىندە مەملەكەتتىك جانە كۆازيمەملەكەتتىك سەكتورداعى بارلىق قىزمەتكەرلەردىڭ 70%-ىن قاشىقتان جۇمىس ىستەۋگە كوشىرۋ تۋرالى تاپسىرماسىن ورىنداۋ ماقساتىندا قابىلداندى.
ءتيىستى مينيسترلىكتىڭ 150-دەن استام قىزمەتكەرى قاجەتتى اقپاراتتىق جۇيەلەرگە, اتاپ ايتقاندا ەلەكتروندى پوشتا مەن قۇجات اينالىمىنا قوسىلۋ ارقىلى قاشىقتان جۇمىس ىستەۋگە مۇمكىندىك الدى. سونداي-اق بارلىق مەملەكەتتىك قىزمەتكەرلەردى ءوز ورگاندارىنىڭ اقپاراتتىق جۇيەسىنە قاشىقتان قوسۋ جۇمىستارى باستالدى. جۇمىس كەزەڭ- كەزەڭمەن جۇرگىزىلەدى. بۇگىندە ەنەرگەتيكا, ەكولوگيا, دەنساۋلىق ساقتاۋ, ەڭبەك جانە حالىقتى الەۋمەتتىك قورعاۋ مينيسترلىكتەرىن اقپاراتتىق جۇيەلەرگە قوسۋ جۇمىستارى ورىندالۋدا. ونىڭ ناتيجەسىندە تاياۋ ۋاقىتتا 30 مىڭنان استام مەملەكەتتىك قىزمەتكەر ۇيدەن جۇمىس ىستەۋگە مۇمكىندىك الادى.
وسىنى ىسكە اسىرۋ ءۇشىن بايلانىس وپەراتورلارى ءتيىستى ورىنداردا بايلانىس ارنالارىنىڭ پارامەترلەرىن ەسكەرە وتىرىپ, قاجەتتى ينفراقۇرىلىمدى دايىندادى. سالالىق ۆەدومستۆو ماماندارىن قۇجات اينالىمى جۇيەسىنە قاشىقتىقتان قوسۋدى ۇيىمداستىرۋدا ەلەكتروندى قۇجات اينالىمىنىڭ بىرىڭعاي جۇيەسى پلاتفورماسىنان بۇلتتى تەحنولوگيالارعا كوشۋ جۇزەگە اسىرىلماق.
