ۇكىمەت باسشىلارى كوروناۆيرۋستىڭ تارالۋىمەن كۇرەسۋدەگى جانە حالىقتى COVID-19-دان قورعاۋداعى ءوزارا ءىس-قيمىل, سونىڭ ىشىندە ازاماتتاردى وتانىنا قايتارۋ ماسەلەلەرىن تالقىلادى.
شەتەل ازاماتتارىنىڭ كىرىپ-شىعۋى بويىنشا قازاقستان مەن رەسەيدە ارەكەت ەتىپ تۇرعان شەكتەۋلەرگە بايلانىستى پرەمەر-مينيستر ا. مامين رف ۇكىمەتىنىڭ توراعاسى م. ميشۋستينگە قر مەن رف اۋماعى ارقىلى ەلىنە ترانزيتپەن قايتاتىن قازاقستاندىقتار مەن رەسەيلىكتەر ءۇشىن ەرەكشە ءوزارا رەجيم اشۋدى ۇسىندى.
وزبەكستان پرەمەر-ءمينيسترى ا. اريپوۆپەن, قىرعىزستان پرەمەر-ءمينيسترى م. ابىلگازيەۆپەن جانە تاجىكستان پرەمەر-ءمينيسترى ك. راسۋلزودامەن وتكەن كەلىسسوزدەردە ۆەگەتاتسيالىق كەزەڭدەگى سۋ-ەنەرگەتيكا سالاسىنداعى ىنتىماقتاستىقتىڭ, سونداي-اق توتەنشە جاعداي رەجيمى كەزىندە قر مەملەكەتتىك شەكاراسى ارقىلى جۇك تاسىمالىن قامتاماسىز ەتۋدىڭ وزەكتى ماسەلەلەرى تالقىلاندى.
