ستەنفورد ۋنيۆەرسيتەتىنىڭ ينفورماتيكا ماماندارى ەندريۋ ىنوم مەن دافنوي كوللەر قۇرعان «Coursera» ونلاين ءبىلىم بەرۋ جوباسى كارانتين كەزىندە ۋنيۆەرسيتەتتەردىڭ ستۋدەنتتەرىن وقىتۋدى جالعاستىرۋى ءۇشىن 400 ماماندىق بويىنشا 3 مىڭ 800-دەن اسا كۋرستى تەگىن وقۋعا جول اشتى. بىراق مۇندا ءبىر ەسكەرەتىن ماڭىزدى ماسەلە بار: كۋرستاردى ستۋدەنتتەردىڭ تەگىن وقۋى ءۇشىن جوعارى وقۋ ورىندارى «Coursera for Campusقا» تىركەلۋى كەرەك. وسى تۇرعىدا «Coursera» كومپانياسى ءبىلىم جانە عىلىم مينيسترلىگىمىزگە قازاقستاندىق ىزدەنۋشىلەردىڭ اقپاراتقا تەگىن قول جەتكىزۋىن ۇسىنىعانىن ايتا كەتكەن ءجون. جوعارىدا اتالعان كۋرستاردان 12 ناۋرىز بەن 31 شىلدە ارالىعىندا اقىسىز وتۋگە بولادى. سودان كەيىن كۋرستاردى تەگىن وقۋدىڭ ۋاقىتى جاعدايعا قاراي ۇزارتىلا ما, جوق پا؟ ءالى بەلگىسىز. ونى كومپانيا قوسىمشا حابارلاي جاتار. بىراق ستۋدەنتتەر مەن كۋرس وقۋشىلار 31 شىلدەگە دەيىن تىركەلگەن قولدانۋشىنىڭ بيىلعى قىركۇيەك ايىنىڭ 30-نا دەيىن كۋرستاردى وقۋعا رۇقسات الا الاتىنىن ەستە ساقتاعانى ابزال.
«Coursera» كۋرستارىنىڭ ماڭىزىنا از-كەم توقتالايىق. وسىدان تۋرا 2 عاسىر بۇرىن نەگىزى قالانعان كارى قۇرلىقتاعى ۆيردجينيا ۋنيۆەرسيتەتىنىڭ (The University of Virginia) پروفەسسورى گەرري ۋاربۋرگ اقش پەن حالىقارالىق ساياساتكەرلەردىڭ الدىندا تۇرعان ماڭىزدى ماسەلەلەر, الدا بولاتىن ساياسي قادامدار, باسقارۋشى ينستيتۋتتار جانە دەموكراتيالىق پروتسەستەر تۋرالى ء«ححى عاسىرداعى مەملەكەتتىك ساياساتتىڭ مىندەتتەرى» اتتى https://www.coursera.org/learn/public-policy كۋرسىن وتكىزىپ جاتىر. مەدەندجمەنت, مەملەكەتتىك باسقارۋ, ساياساتتانۋ سالاسىنداعى ستۋدەنتتەرگە تاپتىرمايتىن كۋرس. ال اۋسترالياداعى سيدنەي ۋنيۆەرسيتەتىنىڭ «مي جانە وي» ورتالىعىندا ەڭبەك ەتەتىن دوكتور سونيا كۋمار ء«پوزيتيۆتى پسيحاتريا مەن ويدىڭ ساۋلىعى» كۋرسىن https://www.coursera.org/learn/positive-psychiatry جۇرگىزەدى. كۇن سايىن كىشكەنتاي كۇيزەلىسكە بولسىن بوي الدىراتىن بۇگىنگىدەي قىم-قۋىت قوعامدا بارلىعىمىزعا بەرەرى بارداي كورىنەدى. ويتكەنى كۋرس, ۇيىمداستىرۋشىلاردىڭ سايتتا حابارلاۋىنشا, كەز كەلگەن ادامنىڭ ءوز پسيحيكالىق دەنساۋلىعىن جانە باسقالاردىڭ دەنساۋلىعىن جاقسارتۋى ءۇشىن جاتتىعۋلار مەن رەلاكساتسيا ادىستەرىنەن باستاپ, ماحاببات, قارىم-قاتىناس جانە «جەمىستى» جۇمىس تۇرلەرىنە دەيىنگى ستراتەگيالاردى قولدانۋىنا نەگىزدەلگەن.
بۇعان قوسا, ىزدەنگەن جان, الەمدىك ءبىلىم-عىلىم ءتىلى – اعىلشىندى ەركىن مەڭگەرگەن ادامعا گارۆارد, وكسفورد, ستەنفورد سەكىلدى بەدەلدى ۋنيۆەرسيتەتتەردىڭ تەگىن لەكتسياسىن تابۋ قيىنعا سوقپايتىنىنا سەنەمىز. ءارى 1500 تەگىن كۋرس پەن ءدارىستىڭ سىلتەمەسىن وزدەرىڭىزگە ۇسىنامىز.
