ايماقتار • 21 ناۋرىز، 2020

اقتاۋدا كوپپاتەرلى تۇرعىن-ۇيلەر دەزينفەكتسيالانۋدا

13 رەتكورسەتىلدى

اقتاۋ قالاسىنداعى كوپپاتەرلى تۇرعىن ۇيلەردىڭ كىرەبەرىستەرى مەن جالپىعا ورتاق پايدالانۋ ورىندارى دەزينفەكتسيالانۋدا. قاۋىپسىزدىك شارالارىن ساقتاۋ ماقساتىندا 1 مىڭعا جۋىق تۇرعىن-ءۇيدىڭ كىرەبەرىستەرىنە، ەسىكتەر، ليفتىلەر، سۇيەنىشتەر، تەرەزە جاقتاۋلارى جانە ت. ب. دەزينفەكتسيالاۋ جۇمىستارى جۇرگىزىلۋدە. سونىمەن قاتار، بالالاردىڭ ويىن الاڭدارى دا تازالانۋدا.

اقتاۋ قالالىق توتەنشە جاعدايلار بويىنشا شتاب مۇشەلەرى، پوليتسيا باسقارماسى، قالالىق اكىمدىك قىزمەتكەرلەرىنىڭ بىرىگۋىمەن اقتاۋداعى كافە، مەيرامحانا، كەشكە جينالاتىن ورتالىقتاردى كۇن سايىن تەكسەرۋدە.

3 كۇن ناتيجەسى بويىنشا 4 جۇمىس توبىمەن 100-دەن استام ورىندار تەكسەرىلىپ، ونىڭ 20-سى 22:00-دەن كەيىن (3 كومپيۋتەر كلۋبى، 17 ءدامحانا) اشىق ەكەنى انىقتالدى. 5 ءدامحانانىڭ يەسىنە اكىمشىلىك كودەكستىڭ 476-بابى بويىنشا حاتتاما تولتىرىلىپ، ەسكەرتۋ بەرىلدى. قالعاندارىنا ءتۇسىندىرۋ جۇمىستارى جۇرگىزىلدى.

 

ماڭعىستاۋ وبلىسى

سوڭعى جاڭالىقتار

قىرشىن كەتكەن ساڭلاق

سپورت • بۇگىن، 17:35

ۇقساس جاڭالىقتار