ايماقتار • 21 ناۋرىز، 2020

ماڭعىستاۋ وبلىسىنىڭ اكىمى س.ترۇموۆ تۇرعىندارعا ۇندەۋ جاسادى

617 رەتكورسەتىلدى

ماڭعىستاۋ وبلىسىنىڭ اكىمى كوروناۆيرۋستىڭ تارالۋىنا بايلانىستى وبلىس دەڭگەيىندە ءتيىستى شەشىم قابىلداپ، ساقتىق شارالارىن كۇشەيتۋ ءۇشىن بىرقاتار ۇسىنىس ازىرلەگەنىن ايتتى.

ارداقتى اعايىن، قادىرلى جەرلەستەر! الەمدىك ىندەت – كوروناۆيرۋستىڭ ءبىزدىڭ ەلىمىزدە دە تىركەلۋىنە بايلانىستى مەملەكەت باسشىسى قاسىم-جومارت توقاەۆ ەل اۋماعىندا وتىز كۇندىك توتەنشە جاعداي جاريالاپ، ساقتىق شارالارىن كۇشەيتۋدى تاپسىردى. قوعامدىق ءتارتىپ قاتاڭ باقىلاۋعا الىنىپ، كوپشىلىك قاتىساتىن ءىس-شارالار توقتاتىلدى. بۇنىڭ ءبارى حالىقتىڭ دەنساۋلىعى، ەلدىڭ اماندىعى ءۇشىن جاسالىپ وتىر. وزدەرىڭىز بىلەتىندەي، مەملەكەتتىك كوميسسيانىڭ شەشىمىمەن ناۋرىزدىڭ 19-نان باستاپ نۇر-Cۇلتان مەن الماتى قالاسى كارانتيندىك ايماق رەتىندە بەلگىلەندى. «قامدانعان قاپى قالمايدى» دەگەن بار. وسى ماقساتتا ءبىز دە وبلىس دەڭگەيىندە شەشىم قابىلداپ، ساقتىق شارالارىن كۇشەيتۋ ءۇشىن بىرقاتار ۇسىنىس ازىرلەدىك. ەڭ اۋەلى ءاربىر ازامات ماماندار ايتقان ەرەجەلەردىڭ تالاپتارىن ساقتاي وتىرىپ، جاۋاپكەرشىلىكتى سەزىنۋى ءتيىس. بۇل وتە ماڭىزدى.

قۇرمەتتى ماڭعىستاۋلىقتار! اتالعان دەرتتىڭ تارالۋىنا جول بەرمەۋ ءۇشىن ماڭعىستاۋ وبلىسى بويىنشا اكىمدىك جانىنان جەدەل شتاب قۇرىلدى. جاعداي ۇنەمى باقىلاۋدا. دەگەنمەن ساقتىق شارالارى ءۇشىن وبلىس دەڭگەيىندە مەديتسينالىق كومەك كورسەتەتىن 320 توسەك ورىنعا ارنالعان 3 مەديتسينالىق ستاتسيونار سونىمەن قاتار قاجەتتىلىككە بايلانىستى قوسىمشا ورىندار دايىندالدى. شەكارا بەكەتتەرىندە 7 سانيتارلىق كارانتيندىك پۋنكتتەرىمىز جۇمىس ىستەپ تۇر. ونىڭ ىشىندە 2-ءۋى اۆتوكولىك بەكەتىندەگى «تەمىر-بابا»، «تاجەن»، 2-ءۋى اقتاۋ، قۇرىق تەڭىز پورتتارىندا، 1-ءۋى اۋەجايدا، 2-ءۋى تەمىرجولى كولىگىندە «بولاشاق» ستانتسياسى، «وازيس» بەينەۋ ستانتسياسىندا. ونىمەن قوسا كورشىلىس ورنالاسقان اتىراۋ وبلىسى مەن تۇرىكمەنستان شەكاراسىنان كەلەتىن جولدارعا بلوك پوستتار قويىپ، تەكسەرۋ، ءتۇسىندىرۋ جۇمىستارىن جۇرگىزۋدەمىز. ايماقتاعى ازىق-ت ۇلىككە الاڭداۋعا نەگىز جوق. قازىرگى كۇنى وبلىس اۋماعىندا ازىق-ت ۇلىك قورى جەتكىلىكتى. ول ءۇشىن تۇراقتاندىرۋ قورىنا ءتيىستى قاراجات ءبولىندى. بۇل رەتتە ءوڭىردىڭ كاسىپكەرلەرىن دە مەيىلىنشە حالىقپەن بىرگە بولۋعا جانە قولداۋ كورسەتۋگە شاقىرامىن. وزدەرىڭىز بىلەتىندەي پرەزيدەنتىمىز قاسىم-جومارت توقاەۆ ۇكىمەتكە ارنايى تاپسىرما بەرىپ، ورتا جانە شاعىن بيزنەس وكىلدەرىنە مەملەكەت تاراپىنان قولداۋ كورسەتۋ كەرەكتىگىن تاپسىردى. ماسەلەن، بەلگىلى ءبىر مولشەردە سالىقتان بوساتۋ، ۇستەمەلىك تولەمدى الىپ تاستاۋ سەكىلدى بىرقاتار جەڭىلدىكتەر قاراستىرىلعان. سوندىقتان، ەنگىزىلگەن شەكتەۋلەردى ءاربىر كاسىپكەر تۇسىنىستىكپەن قابىلدايدى دەپ سەنەمىن. ءبارىمىزدىڭ ازاماتتىق جاۋاپكەرشىلىگىمىز وسىنداي ساتتە سىنالادى. وسىندايدا مۇمكىندىگى شەكتەۋلى جاندارعا، از قامتىلعان وتباسىلارعا قولدان كەلگەن كومەگىن اياماۋىمىز كەرەك. ەلباسى ن.ءا. نازارباەۆتىڭ باستاماسىمەن پارتيا جوبالارىنىڭ اياسىندا 18 ناۋرىزدان باستاپ ء«بىز بىرگەمىز! «نۇر وتان» رەسپۋبليكالىق اكتسياسى باستاۋ الدى. ءبىز دە ءوز تاراپىمىزدان اتالعان اكتسياعا ۇلەسىمىزدى قوسىپ، ماڭعىستاۋ وبلىسىنداعى بارلىق مەملەكەتتىك ورگاندار مەن وندىرىستىك كاسىپورىندار، «نۇر وتان» پارتياسى فيليالى جانە «اتامەكەن» كاسىپكەرلەر پالاتاسىنىڭ ۇجىمى ەلىمىزدەگى كوروناۆيرۋستىڭ تارالۋىنا قارسى كۇرەسكە كومەك رەتىندە ءبىر كۇندىك ەڭبەكاقىلارىن اۋدارۋدا. جينالعان قاراجات ىندەتكە قارسى كۇرەسىپ، اتسالىسىپ جۇرگەن مەديتسينا ماماندارىن ىنتالاندىرۋعا جانە وزگە دە قاجەتتىلىكتەرمەن قامتاماسىز ەتۋگە جۇمسالاتىن بولادى.

ارداقتى اعايىن! بابالارىمىز كەزىندە بۇداندا قيىن كەزەڭدى باستان وتكەرگەن. ءبىز دە مۇنداي ساتتە سابىرلىق تانىتىپ، جۇدىرىقتاي جۇمىلىپ، بىرگە بولايىق! توتەنشە جاعداي ۋاقىتى اياقتالىپ، الەمدىك دەرتتىڭ قاۋپى باسىلعانشا ۇيىمىزدەن شىقپاۋعا، اركىم ءوز وتباسىمەن بىرگە بولۋعا شاقىرامىن. وزدەرىڭىزگە ءمالىم مەكتەپ جاسىنداعى بالالار مەن ستۋدەنتتەردى قاشىقتىقتان وقىتىپ، كورسەتىلەتىن قىزمەتتىڭ كوپتەگەن ءتۇرى ونلاين رەجيمىنە اۋىستى. وبلىسىمىزداعى كىتاپحانا، تەاتر، بانك، ءبىلىم بەرۋ جانە حالىققا قىزمەت كورسەتۋ ورتالىقتارى سىزدەرگە قولايلى بولۋ ءۇشىن ينتەرنەت ارقىلى قىزمەت كورسەتۋدە. ەلدەگى احۋالعا بايلانىستى ۋاقىتشا دەمالىسقا شىققان ۇستازدار مەن تاعى باسقادا مەكەمەدەگى مامانداردىڭ ەڭبەكاقىسى تولىق ساقتالادى. ونى مەملەكەت باسشىسى قاسىم-جومارت توقاەۆ ءوزى مالىمدەپ، ۇكىمەتكە ءتيىستى تاپسىرماسىن بەردى. قازىر ءار ايماقتا داستۇرىمىزگە ساي كورىسۋ، ناۋرىز مەيرامىنىڭ ۋاقىتى. كەيبىر ازاماتتاردىڭ الدىن-الا جوسپارلاعان وتباسىلىق ءىس-شارالارى، مەرەكەلىك جيىنى بار ەكەنىن بىلەمىز. الايدا، بارىمىزگە حالقىمىزدىڭ دەنساۋلىعى مەن قاۋىپسىزدىگى قىمبات. سوندىقتان تارتىپكە باعىنىپ، داستۇرگە ساي وتەتىن جيىندارىمىزدى ۋاقىتشا توقتاتۋىمىزعا تۋرا كەلەدى.

قۇرمەتتى جەرلەستەر! بۇل تەك ءبىزدىڭ وڭىردە عانا ەمەس، ەلىمىز بويىنشا قابىلدانعان ورتاق شەشىم ەكەنىن دۇرىس ءتۇسىنۋىمىز كەرەك. اتالارىمىز ايتقانداي «جاقسىلىقتىڭ ەرتە كەشى جوق». اعايىن اۋىزبىرشىلىكتە تانىتسا، الداعى تالاي قۋانىشتى ساتتەر دە بىرگە بولارىمىز انىق. «ساقتانساڭ - ساقتايمىن» دەگەن. ەندەشە ەل اعالارى دا بۇقارا-جۇرتقا وسىنى جان-جاقتى ءتۇسىندىرىپ، قولداۋ كورسەتۋگە شاقىرامىن.

 

ماڭعىستاۋ وبلىسى

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • بۇگىن، 20:12

ەكى قىلمىستىق توپ ۇستالدى

ايماقتار • بۇگىن، 17:45

بالالار ۇيىندەگى ىزگىلىك شاراسى

ايماقتار • بۇگىن، 15:47

ەلتاڭبا تاريحى تالقىلاندى

رۋحانيات • بۇگىن، 14:54

ۇقساس جاڭالىقتار