كۇن سايىن اقتاۋ قالاسى اكىمىنىڭ ورىنباسارلارىنىڭ جانە شتاب مۇشەلەرىنىڭ قاتىسۋىمەن مونيتورينگ جۇرگىزىلەدى. ولار بىرقاتار نىسانداردىڭ كوروناۆيرۋسقا قارسى دايىندىعىن, توتەنشە جاعداي تالاپتارىن ورىنداۋ بويىنشا ساۋدا ورتالىقتارىن جانە تاماق ونىمدەرىن ساتۋ دۇكەندەرى مەن سۋپەرماركەتتەرگە, بازارلارعا ارنايى بارادى.
قالا بويىنشا جۇمىس ىستەپ تۇرعان 14 بازاردىڭ ازىق-ت ۇلىك ساتۋ بولىگى سانيتارلىق-دەزينفەكتسيالىق شارالارىن ساقتاپ, قالىپتى رەجيمدە جۇمىس جاساسا, كيىم-كەشەك جانە وزگە دە تاۋارلار ساتۋ بولىگىنىڭ جۇمىس ۋاقىتى ساعات 11:00-دەن 17:00-گە دەيىن شەكتەلدى. 5 مال بازارى بار, ونىڭ ۇشەۋى سانيتارلىق-دەزينفەكتسيالىق شارالارىن ساقتاپ, قالىپتى رەجيمدە جۇمىس ىستەپ تۇر, 2-ەۋى جابىق. 4 كينوتەاتر, ساۋدا-كوڭىل كوتەرۋ ورتالىقتارىنداعى 6 بالالار ويىن الاڭدارى توتەنشە جاعداي مەرزىمىندە جۇمىستارىن توقتاتتى.
2 گيپەرماركەت, 65 سۋپەرماركەت, 879 ازىق-ت ۇلىك دۇكەندەرى سانيتارلىق-دەزينفەكتسيالىق شارالارىن ساقتاپ, قالىپتى رەجيمدە جۇمىس ىستەپ تۇر.
شتاب مۇشەلەرى اتالعان نىسانداردا ۋاقىتىلى دەزينفەكتسيالانۋدى, قول جۋاتىن سۋسابىن جانە تاعى دا باسقا جەكە انتيسەپتيكالىق زاتتاردىڭ بولۋى, كاسسادا كەزەكتىڭ ساقتالۋى سياقتى جۇمىستاردى تەكسەرەدى.
- ماسەلەن, 19-ناۋرىز كۇنى نىسانداردى ارالاۋ بارىسىندا حالىق كوپ شوعىرلاناتىن «الاتاۋ» ساۋدا ۇيىندەگى سۋپەرماركەتتە بىرقاتار تالاپتاردىڭ ورىندالماعانى انىقتالدى. اتاپ ايتساق, سانيتارلىق تازالىق ساقتالماعان. وسىعان وراي, ەسكەرتۋ بەرىلدى. كەلەسى جولى قايتالاناتىن بولسا, اكىمشىلىك جاۋاپكەرشىلىككە تارتىلىپ, ايىپپۇل سالىنادى. جالپى, بارلىعىنا پرەزيدەنتتىڭ جارلىعىنا سايكەس جاساقتالعان اقتاۋ قالاسى اكىمدىگىنىڭ ۇسىنىم حاتى تاراتىلىپ, جۇمىسكەرلەر اراسىندا تۇسىندىرمە جۇرگىزىلدى, - دەدى قالا اكىمىنىڭ ورىنباسارى سەرىك گۋسمان.
سونىمەن قاتار, ساۋدا ورتالىقتارىنىڭ بەلگىلەنگەن شەكتى ۋاقىت 18.00-دە جابىلۋى قارالىپ, بارلىعىنىڭ تالاپتى ورىنداعانى باقىلاندى.
ايتا كەتەيىك, 41 تويحانا توتەنشە جاعداي مەرزىمىندە جۇمىسىن توقتاتتى. 15 ساۋىرگە دەيىنگى مەرزىمدە 184 شارالاردى وتكىزۋدى توقتاتتى.
تەكسەرۋ جۇمىستارى كۇن سايىن جالعاسادى.
گۇلايىم ءداۋىتباي,
«Egemen Qazagstan»
ماڭعىستاۋ وبلىسى
