ايماقتار • 21 ناۋرىز، 2020

اقتاۋداعى ءىرى ساۋدا ورتالىقتارى تەكسەرىلدى

28 رەتكورسەتىلدى

ەلىمىزدە توتەنشە جاعداي ەنگىزىلگەلى اقتاۋدا ساقتىق شارالارى قاۋىرت قولعا الىندى. قالا اكىمىنىڭ ورىنباسارى سەرىك گۋسمان باستاعان شتاب مۇشەلەرى، پوليتسيا باسقارماسى، سانيتارلىق ماماندارى وڭىردەگى بىرقاتار نىسانداردىڭ كوروناۆيرۋسقا قارسى دايىندىعىنا رەيد جۇرگىزدى. توتەنشە جاعداي تالاپتارىن ورىنداۋ بويىنشا قالاداعى ساۋدا ورتالىقتارىن جانە تاماق ونىمدەرىن ساتۋ دۇكەندەرى مەن سۋپەرماركەتتەرگە ارنايى باردى. بۇل تۋرالى اقتاۋ قالاسى اكىمىنىڭ ءباسپاسوز قىزمەتى حابارلادى.

ولار اتالعان نىسانداردا ۋاقىتىلى دەزينفەكتسيالانۋدى، قول جۋاتىن سۋسابىن جانە تاعى دا باسقا جەكە انتيسەپتيكالىق زاتتاردىڭ بولۋى، كاسسادا كەزەكتىڭ ساقتالۋى سياقتى جۇمىستاردى تەكسەردى. نىسانداردى ارالاۋ بارىسىندا حالىق كوپ شوعىرلاناتىن «الاتاۋ» ساۋدا ۇيىندەگى سۋپەرماركەتتە بىرقاتار تالاپتاردىڭ ورىندالماعانى انىقتالدى. اتاپ ايتساق، سانيتارلىق تازالىقتىڭ ساقتالماۋىنا بايلانىستى ەسكەرتۋ بەرىلدى. كەلەسى جولى قايتالاناتىن بولسا، اكىمشىلىك جاۋاپكەرشىلىككە تارتىلادى.

ال، «ارداگەر» ساۋدا ۇيىندەگى تاماق دۇكەنى مەن «دانا» سۋپەرماركەتى سانيتارلىق تالاپقا ساي جۇمىس جاساۋدا.

جالپى، بارلىعىنا پرەزيدەنتتىڭ جارلىعىنا سايكەس جاساقتالعان اقتاۋ قالاسى اكىمدىگىنىڭ ۇسىنىم حاتى تاراتىلىپ، جۇمىسكەرلەر اراسىندا تۇسىندىرمە جۇرگىزىلدى.

قالعان ساۋدا ورتالىقتارى ۋاقىتىندا 18.00-دە جابىلىپ، قويىلعان تالاپتاردى ورىنداۋدا. تەكسەرۋ جۇمىستارى ءارى قاراي جالعاسىن تابادى، اتالعان ساۋدا نىساندارى باقىلاۋدا بولادى.

 

ماڭعىستاۋ وبلىسى

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • بۇگىن، 20:12

ەكى قىلمىستىق توپ ۇستالدى

ايماقتار • بۇگىن، 17:45

بالالار ۇيىندەگى ىزگىلىك شاراسى

ايماقتار • بۇگىن، 15:47

ەلتاڭبا تاريحى تالقىلاندى

رۋحانيات • بۇگىن، 14:54

ۇقساس جاڭالىقتار