جۇمىس جۇك تاسىمالى اپاتتارىنىڭ سانىن ازايتۋعا باعىتتالعان. ينسپەكتورلار اۋىر جۇك كولىكتەرىنىڭ جۇرگىزۋشىلەرىمەن بىرگە قاجەتتى قۇجاتتاردىڭ, ونىڭ ىشىندە جۇك قۇجاتتارىنىڭ بار-جوعىن, سونداي-اق اۆتوكولىك يەلەرىنىڭ جەكە كاسىپكەر رەتىندە تىركەلۋىن تەكسەرەدى.
ءتارتىپ ساقشىلارىنىڭ ايتۋىنشا, تەكسەرۋلەر نەگىزسىز ەمەس. پوليتسەيلەر جۇك كولىكتەرىنىڭ قاتىسۋىمەن بولعان اپاتتاردىڭ سەبەپتەرى مەن جاعدايلارىن زەرتتەي وتىرىپ, جول قاۋىپسىزدىگىن بۇزۋدىڭ كوپتەگەن فاكتىلەرىن انىقتايدى.
كوبىنەسە اۋىر جۇك كولىكتەرىنىڭ يەلەرى كاسىپكەرلىك قىزمەتتى جاسىرىپ كاسىپكەر رەتىندە تىركەلمەيدى. سونىمەن قاتار, ۆاگونداردىڭ تەحنيكالىق جاي-كۇيىن ساپار الدىندا باقىلاۋ, جۇرگىزۋشىلەردىڭ الدىن-الا تەكسەرۋلەردەن ءوتۋى, ماشينالاردى تاحوگرافتارمەن جابدىقتاۋ جانە جۇرگىزۋشىلەردىڭ جۇمىس جانە تىنىعۋ جاعدايلارىن ساقتاۋ تۋرالى زاڭنامانىڭ تالاپتارى ورىندالمايدى.
الدىن-الۋ شارالارىنىڭ بارىسىندا جۇرگىزۋشىلەردىڭ قر اقك-ءنىڭ 590 باپتىڭ 5-تارماعىمەن - 32, 590 باپتىڭ 7-تارماعىمەن -12, 601 باپتىڭ 1-تارماعىمەن - 4 اكىمشىلىك حاتتاما تولتىرىلدى.
سونداي-اق, جۇك كولىكتەرىنىڭ مەملەكەتتىك بەلگىلەرى تاركىلەنىپ, 6 كولىك ايىپپۇل تۇراعىنا جابىلدى. ءتارتىپ ساقشىلارى قالا ىشىنە كولىكتەر تازالىقسىز, لاستانۋ دوڭگەلەگىمەن كىرەتىن بولسا زاڭ بۇزۋشىلىققا جاتاتىنىن ەسكەرتىپ, جۇك كولىك جۇرگىزۋشىلەرى مەن جەكە كاسىپكەر جۇك كولىگىنىڭ نازارىنا جول كولىك ەرەجەلەرىنىڭ تالاپتارىنا باعىنۋدى تاپسىردى.
ماڭعىستاۋ وبلىسى
