قازاقستان • 20 ناۋرىز، 2020

ZHAS PROJECT-ءىڭ جاڭا تىنىسى

45 رەتكورسەتىلدى

ەلىمىزدە 3 جىل قاتارىنان جاستارعا گرانت بەرىپ جۇمىس جاساعان جاستار كورپۋسىن دامىتۋ جوباسى بيىلعى جىلى الماتى جانە قاراعاندى وبلىسى جاستارىنا تاعى دا گرانت بەرۋدى جوسپارلاعان. ءۇش جىل ىشىندە قازاقستاننىڭ 9000-نان اسا جاستارى 2679 الەۋمەتتىك جوبا جاساپ، وزدەرى تۇراتىن ايماقتىڭ ءوسىپ-وركەندەۋىنە ۇلەس قوستى دەپ ايتساق ارتىق ەمەس. 

Zhasproject جوباسى 2017 جىلى پيلوتتىق رەجيمدە ەلىمىزدىڭ 4 ايماعىننىڭ (وڭتۇستىك قازاقستان، الماتى، پاۆلودار جانە قاراعاندى) جاستارىنا 589 جوباعا قارجى بولىنگەن ەدى. 2018 جىلى سولتۇستىك قازاقستان، شىعىس قازاقستان، اقتوبە، قىزىلوردا جانە جامبىل وبلىستارىنىڭ 3508 جاستارى 1027 الەۋمەتتىك جوبا جاسادى. ال وتكەن جىلى تاعىدا 4 ايماق، باتىس قازاقستان، اتىراۋ، ماڭعىستاۋ، اقمولا وبلىستارى مەن نۇر-سۇلتان جانە الماتى قالالارىنىڭ 3508 جاستارى 1063 الەۋمەتتىك جوبا جاسادى. جوبالاردىڭ باسىم بولىگى اۋىل شارۋاشىلىعى، ءبىلىم سالالارى، سونداي-اق تىگىنشىلىك ونەرى مەن سالاۋاتتى ءومىر سالتىن قالىپتاستىرۋ ورتالىقتارىن قامتىدى.

جاستار كورپۋسىن دامىتۋ جوباسى ۇيلەستىرۋ اگەنتتىگىنىڭ باسشىسى ۆەرا كيم جانە قاراعاندى وبلىسى باسشىسى جەڭىس قاسىمبەك مىرزامەن جوبانى ءساتتى ىسكە اسىرىلۋى بويىنشا كەزدەسۋ وتكىزدى. كەزدەسۋ بارىسىندا وبلىستاعى جاستاردى بارىنشا Zhasproject جوباسىنا جۇمىلدىرۋ ءسوز ەتىلدى. ۇيلەستىرۋ اگەنتتىگىنىڭ باسشىسى ۆەرا كيم ايماق باسشىلىعىنا العىس ءبىلدىرىپ، جۇمىلا كىرىسكەن جۇمىستىڭ جەمىستى بولاتىنىنا سەنىمدى ەكەنىن جەتكىزدى.

سوڭعى جاڭالىقتار

ۇقساس جاڭالىقتار