«سىزدەر بۇل كۇندەرى كىتاپحاناعا بارماي-اق ۇيدە وتىرىپ, قاشىقتىقتان كىتاپ وقي الاسىزدار. ول ءۇشىن ءبىز سىزدەرگە ارنايى سىلتەمەلەر ۇسىناتىن بولامىز. عالامتوردان سىلتەمەگە كىرۋ ارقىلى كىتاپحانانىڭ ەلەكتروندى رەسۋرسىن پايدالانۋعا تولىقتاي مۇمكىندىك قاراستىرىلعان. عالامتوردى قولداناتىن وقىرماندارىمىزعا كىتاپحانانىڭ رەسمي سايتىنداعى جەرگىلىكتى اۆتورلاردىڭ ەڭبەكتەرىن وقۋعا كەڭەس بەرەمىز. وسىلايشا ءسىز كارانتيندىك ۋاقىتىڭىزدى ءتيىمدى پايدالانا الاسىز. قىسقاسى ۇيدە وتىرىپ-اق قالاعان كىتابىڭىزدى وقۋعا مۇمكىندىك بەرەمىز. بۇل ءسىزدىڭ دەنساۋلىعىڭىز ءۇشىن قاۋىپسىز. سونىمەن قاتار جولعا ۋاقىت شىعىندامايسىز. ال اۋىل كىتاپحاناشىلارى ەلدى مەكەن تۇرعىندارىنان الدىن الا تاپسىرىس قابىلداپ, كىتاپتاردى وقىرمانداردىڭ ۇيىنە دەيىن جەتكىزەتىن بولادى», دەيدى س.تورايعىروۆ اتىنداعى پاۆلودار وبلىستىق كىتاپحاناسىنىڭ قوعاممەن بايلانىس مەنەدجەرى الپىسباي حونج.
س.تورايعىروۆ اتىنداعى وبلىستىق كىتاپحانانىڭ رەسمي سايتىنداعى رەسۋرستارمەن شەكتەلىپ قالماي وزگە دە كىتاپحانالاردىڭ مول مۇراعاتىمەن تانىسا الاسىزدار.
«ماسەلەن, ۇيدە وتىرىپ-اق قازاقستان رەسپۋبليكاسىنىڭ ۇلتتىق كىتاپحاناسىنىڭ رەسمي سايتىنا كىرىپ, تاڭداۋلى تۋىندىلاردى وقي الاسىز. ول ءۇشىن اتالعان كىتاپحانا سايتىنداعى "قورلار" نۇسقاۋىنا كىرىپ, "ەلەكتروندى كىتاپحانالاردى" تاڭدايسىز. بۇدان سوڭ "قازاقستاننىڭ قازىرگى زامانعى ادەبيەتى" ەلەكتروندىق كىتاپحاناسىن باسىڭىز. ەندى "قازاق كلاسسيكالىق ادەبيەتى" بولىمىنەن ءوزىڭىز قالاعان اۆتورلاردىڭ تاڭداۋلى شىعارمالارىن وقي الاسىز. بۇل جەردە م.اۋەزوۆتىڭ "اباي جولىن", ج.ايماۋىتوۆتىڭ "اقبىلەگىن", ى.ءالتىنساريننىڭ, د. ابىلەۆتىڭ, ا.بايتۇرسىنوۆتىڭ, ە.بەكەنوۆتىڭ تاعى دا باسقا اۆتورلاردىڭ بىرنەشە تىلگە اۋدارىلعان قايتالانباس شىعارمالارىن وقي الاسىزدار. قۇرمەتتى وقىرمان ءبىز قاشان دا سىزدەرمەن بىرگەمىز!», دەدى ا.حونج.
