«سۇڭقار» تۇرعىنۇي كەشەنى 15 كۇندىك كارانتينگە جابىلعاننان كەيىن قالا اكىمىنىڭ ورىنباسارى ەرجان باباقۇماروۆ مەگاپوليستە ىندەت وشاقتارى بار ەكەنىن مالىمدەگەن بولاتىن. باباقۇماروۆ ىندەت وشاقتارىن اتاماعانىنا قاراماستان, بىرقاتار رەسمي سايتتار مەگاپوليستە ۆيرۋس جۇقتىرعانداردىڭ ناقتى مەكەن-جايلارىن جاريالاپ ۇلگەردى.
«قالادا كوروناۆيرۋستى جۇقتىرۋ وشاقتارى بار. باستى مىندەت – جۇقتىرۋ تىزبەگىن ءۇزۋ, كارانتين رەجيمىن ساقتاۋ, قالادا ۆيرۋستىڭ تارالۋىنا جانە ونى باسقا وڭىرلەرگە ەكسپورتتاۋعا جول بەرمەۋ», – دەدى ەرجان باباقۇماروۆ.
الماتى قالاسىنىڭ وڭىرلىك كوممۋنيكاتسيالار قىزمەتىنىڭ الاڭىندا ءوتىپ جاتقان ونلاين-بريفينگتە تاۋلىكتەن ۋاقىت تاڭداماي, باق وكىلدەرى بارلىق سۇراقتاردى قويۋعا مۇمكىندىك الىپ وتىر.
19 ناۋرىزدان 20 ناۋرىزعا قاراعان ءتۇنى قالالىق اكىمدىكتىڭ وكىلدەرى الماتىدا 11 ىندەت وشاعى بار ەكەنىن مالىمدەدى. مۇنداي جاعدايدا قالانىڭ ءاربىر تۇرعىنى ءومىرىن ساقتاۋ ءۇشىن ءوزى ءوزى وقشاۋلاۋ كەرەك ەكەندىگى كەزەكتى رەت ەسكەرتىلدى.
الماتى
