قىزىلوردادا مەكتەپ جاسىنداعى ەكى قىزدى ەركىنەن تىس جىنىستىق قاتىناسقا تۇسۋگە ماجبۇرلەگەندەرگە سوت ۇكىمى شىقتى. بۇل تۋرالى وبلىستىق سوتتىڭ ءباسپاسوز قىزمەتى حابارلادى.
قىزىلوردادا مەكتەپ جاسىنداعى ەكى قىزدى ەركىنەن تىس جىنىستىق قاتىناسقا تۇسۋگە ماجبۇرلەگەندەرگە سوت ۇكىمى شىقتى. بۇل تۋرالى وبلىستىق سوتتىڭ ءباسپاسوز قىزمەتى حابارلادى.
«ءۇش جىگىت ەكى قىزدى جەڭىس كۇنى مەرەكەسىن بىرگە تويلاماقشى بولىپ, سىرداريا وزەنىنىڭ جاعالاۋىنا دەمالۋعا شاقىرادى. ەكى قىزدىڭ ءبىرى الگى ءۇش جىگىتتىڭ بىرەۋىمەن كەيىنگى ەكى ايدىڭ كولەمىندە تانىسىپ, كەزدەسىپ ءجۇرىپتى, – دەيدى وبلىستىق سوتتىڭ ءباسپاسوز حاتشىسى ارداق سماعامبەتوۆا. – بۇرىننان تانىس قىز بەن جىگىت توپتان ءبولىنىپ, جەكە كەتكەن كەزدە اۆتوكولىك ىشىندە وتىرعان ەكىنشى قىزدى ماسايىپ العان ءۇش جىگىتتىڭ ءبىرى زورلاعان. جاعداي مۇنىمەن عانا شەكتەلمەيدى, ەندى ءۇش جىگىت, ياعني 21, 23, 24 جاستاعى تەمىرلان, سەرىك, مارات الگى ەكى قىزدى, ياعني, 9 جانە 11-سىنىپ وقۋشىلارى اينۇر مەن ارايلىمدى كەزەكتەسىپ زورلاعان. وقيعا ورنىندا بۇلاردى ءوز كولىگىمەن الىپ كەلگەن جاراس دەگەن جىگىت تە بولادى. ول قىزدارعا تيىسپەگەن, بىراق اراشا دا تۇسپەگەن», – دەلىنگەن حابارلامادا.
سونىمەن, قىلمىستى باستاعان جىگىت 12 جىلعى كەسىلدى. ول قاتاڭ تارتىپتەگى تۇزەۋ مەكەمەسىندە وتىرادى. ەكىنشىسى 8 جىل تەمىر توردىڭ ارعى جاعىندا بولىپ, جازاسىن جالپى رەجىمدەگى تۇرمەدە وتەيدى. ال ءۇشىنشى جىگىتتى 1 جىلعا باس بوستاندىعىنان ايىرىلدى.
قايرات قوجانازار.
