پارتيا توراعاسىنىڭ ءبىرىنشى ورىنباسارى بۇگىندە «ەلباسى مودەلى» ۇعىمى ساراپشىلار مەن اقپاراتتىق ورتادا تولىق ورنىققانىن ايتتى. ول ءوز سوزىندە تۇڭعىش پرەزيدەنتتىڭ كاسىبي جانە جەكە قاسيەتتەرىنە, ساياسي بەدەلى مەن تاريحتىڭ دامۋ بارىسىن باعامداي ءبىلۋىنە, ساياسي قىراعىلىعىنا, ءتيىمدى جۇمىس توبىن جاساقتاي ءبىلۋ قابىلەتىنە توقتالىپ, ەلباسى ليدەرلىگىنىڭ باستى ەرەكشەلىگىن اتاپ كورسەتتى.
«ال ەڭ باستىسى – جاۋاپكەرشىلىككە نەگىزدەلگەن ليدەرلىك. بۇل - كونستيتۋتسيالىق رەفورمالار, نارىقتىق ەكونوميكا مەن جەكەشەلەندىرۋگە ءوتۋدىڭ كۇردەلى كەزەڭدەرى, شەكارانىڭ دەليميتاتسياسى مەن دەماركاتسياسى. بۇل - ەل ەكونوميكاسىنىڭ دامۋىنا قۋاتتى قارقىن بەرگەن استانانى كوشىرۋ تۋرالى شەشىم ءۇشىن ساياسي جاۋاپكەرشىلىك. بۇل - ۇلتتىق قوردى قۇرۋداعى ەلباسىنىڭ ساياساتكەر جانە ستراتەگ رەتىندەگى كەلەشەكتى باعامداي ءبىلۋى. بۇل - «بولاشاق» حالىقارالىق ستيپەندياسىن ەنگىزۋ ارقىلى جاس باسقارۋشىلار بۋىنىن قالىپتاستىرۋدىڭ ماڭىزدىلىعىن تەرەڭ ءتۇسىنۋ» - دەدى باۋىرجان بايبەك.
پارتيا توراعاسى ءبىرىنشى ورىنباسارىنىڭ ايتۋىنشا,سول كەزدە قابىلدانعان كوپتەگەن شەشىمدەر قارسىلىققا تاپ بولعانىمەن, ۋاقىت وتە كەلە قارسى شىققانداردىڭ ءوزى ەلباسىنىڭ جاقتاستارى مەن مۇددەستەرىنە اينالعان. «Nur Otan» پارتياسى دا ەلباسى رەفورمالارىنىڭ باعىتىن قولداۋ بويىنشا جالپىحالىقتىق كواليتسيا نەگىزىندە قۇرىلدى. كەيىنىرەك ول ەلدى جاڭعىرتۋشى جەتەكشى كۇشكە اينالدى.
«تۇڭعىش پرەزيدەنتتىڭ تاعى ءبىر ەرەكشە قاسيەتى – كەز كەلگەن جاعدايدان قيىننان قيىستىرىپ, سارا جول تابا ءبىلۋى. بۇل «Nur Otan» پارتياسىنىڭ ساياسي پلاتفورماسىنداعى تسەنتريزم يدەولوگياسىندا كورىنىس تاپقان. نازارباەۆ مودەلىنىڭ تابىسى - ونىڭ كەلەشەكتى ءدال بولجاپ, كۇتپەگەن شەشىمدەر ۇسىنۋىندا, وزىنە جاۋاپكەرشىلىك الىپ, رەفورمالاردى اياعىنا دەيىن جەتكىزۋىندە», - دەپ اتاپ ءوتتى پارتيا توراعاسىنىڭءبىرىنشى ورىنباسارى.
