جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى كوروناۆيرۋستىڭ تارالۋىنا جول بەرمەۋ ماقساتىندا ادامدار اراسىندا فيزيكالىق بايلانىس بولدىرماۋ ءۇشىن الەۋمەتتىك – ەڭبەك سالاسىنداعى مەملەكەتتىك قىزمەتتەردى, اتاپ ايتقاندا جۇمىس ىزدەپ جۇرگەن ادامدارعا جانە جۇمىسسىزدارعا جاردەمدەسۋ; شەتەلدىك جۇمىس كۇشىن تارتۋعا جۇمىس بەرۋشىلەرگە رۇقسات بەرۋ جانە (نەمەسە) ۇزارتۋ; ءوتىنىش بەرۋشىنىڭ (وتباسىنىڭ) اتاۋلى الەۋمەتتىك كومەك الۋشىلارعا تيەسىلىگىن راستايتىن انىقتاما بەرۋ; جۇمىسسىز رەتىندە تىركەۋ تۋرالى انىقتاما جانە ت.ب.) قىزمەتتەردى ەلەكتروندىق ۇكىمەت پورتالى ارقىلى ۇسىنادى.
-سونداي-اق باسقارما قاعاز تۇرىندە كورسەتىلەتىن قىزمەتتەردى ەلەكتروندىق ۇكىمەت پورتالىنىڭ «ەلەكتروندىق وتىنىشتەر» ۆەب-پورتالى ارقىلى الۋعا مۇمكىندىك جاساپ وتىرمىز. بۇل ءۇشىن وبلىس تۇرعىندارى قازاقستان رەسپۋبليكاسى ۇلتتىق كۋالاندىرۋشى ورتالىعىنىڭ ەلەكتروندىق تسيفرلىق قولتاڭباسىنىڭ كومەگىمەن پورتالدا تىركەلۋى قاجەت. وسىلايشا, ۇيدەن شىقپاي-اق, بۇرىن قاعاز تاسىلىمەن كورسەتىلەتىن 24 قىزمەتتى قاشىقتىقتان الۋعا بولادى,- دەدى جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسشىسىنىڭ مىندەتىن اتقارۋشى جايساڭگۇل دوسپولوۆا.
«ەلەكتروندىق وتىنىشتەر» ۆەب-پورتالىن پايدالانۋ ۇلگىسى وبلىس اكىمى اپپاراتىنىڭ رەسمي سايتىندا جانە الەۋمەتتىك جەلىلەردەگى باسقارما بەتتەرىندە ورنالاستىرىلعان.
اعىمداعى جىلى حالىقتى جۇمىسپەن قامتۋعا جاردەمدەسۋ ءۇشىن 2,0 ملرد تەڭگە ءبولىندى, ونىڭ 1,5 ملرد تەڭگەسى جەرگىلىكتى بيۋدجەتتەن, 500,0 ملن تەڭگەسى رەسپۋبليكالىق بيۋدجەتتەن. ەلدەگى جاعدايدىڭ قازىرگى جاي-كۇيىن ەسكەرە وتىرىپ, رەسپۋبليكالىق بيۋدجەتتەن 196,0 ملن. تەڭگە مولشەرىندە قوسىمشا قاراجات ءبولۋ ءۇشىن بيۋدجەتتىك ءوتىنىم بەرىلدى.
ماڭعىستاۋ وبلىس تۇرعىندارى وزدەرىن تولعاندىرعان سۇراقتارىن 605 464 (جۇمىسپەن قامتۋدى ۇيلەستىرۋ ءبولىمى) جانە 605 448 (الەۋمەتتىك كومەكتەر ءبولىمى) تەلەفوندارى بويىنشا قويا الادى.
بۇگىنگى تاڭدا ازاماتتاردى جۇمىسقا ورنالاستىرۋ شارالارىمەن كوبىرەك قامتۋ ءۇشىن قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ مينيسترلىگىمەن بىرلەسىپ حالىقتى جۇمىسپەن قامتۋدىڭ جول كارتاسى ازىرلەنۋدە. جول كارتاسى شەڭبەرىندە ينفراقۇرىلىمدى, تۇرعىن ءۇي – كوممۋنالدىق شارۋاشىلىقتى جانە اباتتاندىرۋدى دامىتۋ جوبالارىنا جۇمىسسىزداردى جۇمىسقا ورنالاستىرۋ كوزدەلگەن. جۇمىسقا ورنالاسقان ازاماتتاردىڭ جالاقىسى كەمىندە ەڭ تومەنگى جالاقىنىڭ 2 ەسەلەنگەن مولشەرىنەن كەم ەمەس بولادى.
ماڭعىستاۋ وبلىسى
