قازاقستان • 19 ناۋرىز، 2020

نۇر-سۇلتان جانە الماتى قالالارىنان اۋە رەيستەرى توقتاتىلادى

11 رەتكورسەتىلدى

پرەزيدەنت جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيا شەشىمدەرىن ورىنداۋ ءۇشىن 2020 جىلعى 22 ناۋرىز كۇنى ساعات 00:00-دەن باستاپ حالىقارالىق جانە جۇك رەيستەرىن قوسپاعاندا، بارلىق قازاقستاندىق اۋە كومپانيالاردىڭ نۇر-سۇلتان جانە الماتى قالالارىنان تۇراقتى جانە تۇراقتى ەمەس (چارتەرلىك) جولاۋشىلار رەيستەرى توقتاتىلادى. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى.

مينيسترلىكتىڭ مالىمەتىنە سايكەس، نۇر-سۇلتان قالاسىنان الماتى، بالقاش، تالدىقورعان، پەتروپاۆل، تاراز، شىمكەنت، جەزقازعان، قىزىلوردا، ورال، وسكەمەن، پاۆلودار، سەمەي، اقتاۋ، اتىراۋ، اقتوبە، قوستاناي جانە ت. ب. قالالارعا 16 ىشكى باعىت بويىنشا اپتاسىنا 320 تۇراقتى رەيس توقتاتىلادى. 

سونداي-اق الماتى قالاسىنان نۇر-سۇلتان، بالقاش، كوكشەتاۋ، پەتروپاۆل، تاراز، شىمكەنت، جەزقازعان، قاراعاندى، قىزىلوردا، ورال، وسكەمەن، پاۆلودار، سەمەي، ءۇرجار، اقتاۋ، اتىراۋ، اقتوبە، قوستاناي جانە ت. ب. قالالارعا اپتاسىنا 295 تۇراقتى رەيس توقتاتىلاتىن بولادى.

پرەزيدەنت جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيا وتىرىسىنىڭ 2020 جىلعى 16 ناۋرىزداعى № 1 حاتتاماسىنا سايكەس اۋە كومپانيالارى توتەنشە جاعداي رەجيمى قولدانىلاتىن كەزەڭدە اۋە بيلەتتەرىن ايىپپۇلسىز جانە تولىق كولەمدە قايتارۋدى راسىمدەۋى قاجەت.

ازاماتتاردىڭ شوعىرلانۋىن بولدىرماۋ ءۇشىن جولاۋشىلارعا 2020 جىلعى 22 ناۋرىز كۇنگى ساعات 00:00-دەن باستاپ نۇر-سۇلتان جانە الماتى قالالارىنىڭ اۋەجايلارىنا بارماۋدى ۇسىنامىز.

سوڭعى جاڭالىقتار

جولدىڭ جاۋى – اۋىر جۇك كولىكتەرى

ايماقتار • بۇگىن، 13:14

ساقتىق شارالارىن ساقتاۋ ماڭىزدى

كوروناۆيرۋس • بۇگىن، 13:08

تۋريزم دامىسىن دەسەك...

قازاقستان • بۇگىن، 12:55

ءتۋريزمنىڭ تۇرالاعان تۇستارى كوپ

قازاقستان • بۇگىن، 12:46

يتاياقپەن اس ىشكەن ايەل

رۋحانيات • بۇگىن، 10:30

ۇقساس جاڭالىقتار