ايماقتار • 19 ناۋرىز، 2020

جوو وقىتۋشىلارىنىڭ جالاقىسى ۇزدىكسىز تولەنەدى

44 رەتكورسەتىلدى

بۇل تۋرالى قوعامدىق كوممۋنيكاتسيا ورتالىعىندا وتكەن بريفينگتە ماڭعىستاۋ وبلىسى ءبىلىم باسقارماسىنىڭ باسشىسى اسقار سەيداليەۆ مالىمدەدى.

ماڭعىستاۋدا بۇگىنگى تاڭدا COVID-19 كوروناۆيرۋس پاندەمياسىنىڭ ءبىلىم بەرۋ ۇيىمدارىندا تارالۋىنىڭ الدىن-الۋ ماقساتىندا كەلەسى جۇمىستار جۇرگىزىلۋدە:

  • 16 ناۋرىزدان باستاپ بارلىق مەكتەپتەردەگى كوكتەمگى كانيكۋل مەرزىمى 1 اپتاعا ۇزارتىلدى. بارلىق وقۋشىلاردىڭ تجب، بجب جيناقتالىپ، توقساندىق باعالارى شىعارىلدى;
  • 16 ناۋرىزدان باستاپ بارلىق كوللەدجدەر مەن جوعارعى وقۋ ورىندارى قاشىقتىقتان وقىتۋ تاسىلىنە كوشىرىلدى;
  • ارنايى ءبىلىم بەرەتىن مەكتەپتەردىڭ جۇمىسى توقتاتىلدى;
  • قوسىمشا ءبىلىم بەرۋ مەكەمەلەرىندەگى ۇيىرمەلەر، سپورتتىق جانە باسقا دا سەكتسيالاردىڭ جۇمىسى توقتاتىلدى;
  • بالالار اۋىلىنا كارانتين ەنگىزىلدى;
  • بالاباقشالار شتاتتىق رەجيمدە جۇمىس ىستەۋدە، الايدا بالالاردىڭ قاتىسى ەرىكتى. بۇگىنگى تاڭدا بالاباقشاعا بالالاردىڭ جالپى كونتينگەنتىنىڭ 46،5% قاتىسىپ وتىر.

پرەزيدەنت قاسىم-جومارت توقاەۆتىڭ تاپسىرماسىنا سايكەس، ءبىلىم سالاسىنداعى مەملەكەتتىك قىزمەتكەرلەردىڭ 70% جۋىعى قاشىقتىقتان جۇمىس ىستەيتىن فورماتقا كوشەدى، ولاردىڭ اراسىندا ەڭبەك دەمالىستارىنا شىققاندار دا بار. مەكتەپ مۇعالىمدەرىنىڭ جالاقىلارى كانيكۋل كەزىندەگى ەسەپتەمەلەرمەن جۇرگىزىلەدى، كوللەدجدەر مەن جوعارعى وقۋ ورىندارى وقىتۋشىلارىنىڭ جالاقىلارى ۇزدىكسىز تولەنەدى. قازىرگى كەزەڭدە جۇمىسى توقتاتىلعان قوسىمشا ءبىلىم بەرۋ ۇيىمدارى مەن پمپك، كپپك قىزمەتكەرلەرىن اقى تولەنەتىن ەڭبەك دەمالىسىنا جىبەرۋ ماسەلەلەرى قاراستىرىلۋدا. اتا-انالارى بالاباقشالارعا بالالارىن اپارماۋدى ۇيعارعان توپتاردا جۇمىس ىستەيتىن بالالاباقشا تاربيەلەنۋشىلەرىنە دە اقىلى ەڭبەك دەمالىستارى بەرىلەدى.

- ءبىلىم جانە عىلىم مينيسترلىگى تاراپىنان 6-ساۋىردەن باستاپ مەكتەپ وقۋشىلارىن ونلاين وقىتۋعا كوشىرۋگە جۇمىستاناتىن جۇمىس توبى قۇرىلدى. وسىعان بايلانىستى كوپتەگەن ماسەلەلەر دە تۋىنداپ جاتىر. اۋىلدىق جەردەگى ينتەرنەت جىلدامدىعى، ينتەرنەت رەسۋرستارى، وقۋ ماتەريالدارى، كومپيۋتەر ت.س.س سياقتى ماسەلەلەر. بىراق ونىڭ بارلىعىن مينيسترلىك 6-ساۋىرگە دەيىن انىقتايدى. بارلىق جاعدايلار ەسكەرىلەدى. ءبىلىم بەرۋ ۇيىمدارىنا تاپسىرما بەرىلەتىن بولادى، - دەيدى ا.سەيداليەۆ.

ايتا كەتەيىك، قازىرگى تاڭدا الەۋمەتتىك جەلىلەردە مەكتەپ وقۋشىلارىنىڭ مەكتەپتە، دۇكەندەر مەن قوعامدىق كولىكتەردە جۇرگەنى ءۇشىن ولاردىڭ اتا-انالارىنا ايىپپۇل سالۋ بويىنشا رەيدتىك شارالار تۋرالى اقپارات تاراتىلۋدا. بۇل – جالعان اقپارات.

سونداي-اق، ماڭعىستاۋ وبلىسى ءبىلىم ساپاسىن باقىلاۋ دەپارتامەنتى 2020 جىلدىڭ I جارتىجىلدىعىندا 20 ءبىلىم بەرۋ ۇيىمدارىندا پروفيلاكتيكالىق باقىلاۋ جۇرگىزۋدى جوسپارلادى. اعىمداعى جىلدىڭ قاڭتار، اقپان، ناۋرىز ايىنان باستاپ وسى مەرزىمگە دەيىن (توتەنشە جاعدايعا دەيىن) 8 ءبىلىم بەرۋ ۇيىمى تەكسەرىلدى.

- توتەنشە جاعدايعا بايلانىستى، ءبىز جوسپارلاپ قويعان باقىلاۋدىڭ ءبارىن ازىرگە توقتاتا تۇردىق. بىراق مونيتورينگ توپ بولىپ، جوو مەن كوللەدج ستۋدەنتتەرىنىڭ قاشىقتىقتان وقۋعا مۇمكىندىكتەرىن تەكسەردىك. جانە قاشىقتىقتان وقۋعا مۇمكىندىك بارىن انىقتاي الدىق، - دەيدى دەپارتامەنت باسشىسى ءو.ەسبولات.

 

ماڭعىستاۋ وبلىسى

سوڭعى جاڭالىقتار

جولدىڭ جاۋى – اۋىر جۇك كولىكتەرى

ايماقتار • بۇگىن، 13:14

ساقتىق شارالارىن ساقتاۋ ماڭىزدى

كوروناۆيرۋس • بۇگىن، 13:08

تۋريزم دامىسىن دەسەك...

قازاقستان • بۇگىن، 12:55

ءتۋريزمنىڭ تۇرالاعان تۇستارى كوپ

قازاقستان • بۇگىن، 12:46

يتاياقپەن اس ىشكەن ايەل

رۋحانيات • بۇگىن، 10:30

ارىستار رۋحىنا قۇرمەت

پىكىر • بۇگىن، 08:33

ۇقساس جاڭالىقتار