الەم • 19 ناۋرىز، 2020

Huawei اقپاراتتىق-كوممۋنيكاتسيالىق تەحنولوگيالار اكادەمياسىنىڭ 2.0 باعدارلاماسىن تانىستىردى

45 رەتكورسەتىلدى

Huawei الداعى بەس جىل ىشىندە ەكى ميلليونعا جۋىق اكت ماماندارىن دايىندايتىن اقپاراتتىق-كوممۋنيكاتسيالىق تەحنولوگيالار اكادەمياسىنىڭ 2.0 باعدارلاماسىنىڭ تانىستىرىلىمىن وتكىزدى.

ساندىق تۇرلەندىرۋ - Live كونفەرەنتسياسى بارىسىندا Huawei كومپانياسى ماماندارى Huawei اكت اكادەمياسىنىڭ 2.0 باعدارلاماسىن رەسمي تۇردە تانىستىرىپ، باعدارلاما ارقىلى الداعى بەس جىل ىشىندە ۋنيۆەرسيتەتتەرمەن بىرلەسىپ، ەكى ميلليونعا جۋىق مامان دايىنداۋدى جانە ساندىق داعدىلاردى كەڭىنەن تاراتۋدى ماقسات ەتەتىندىگىن اتاپ ءوتتى. بۇل Huawei-ءدىڭ تسيفرلىق تەحنولوگيالاردى ەنگىزۋ جونىندەگى باستاماسىنىڭ ءبىر بولىگى بولىپ سانالاتىن تسيفرلىق تەحنولوگيانىڭ ارتىقشىلىعىن كەڭەيتۋگە ارنالعان TECH4ALL اياسىنداعى شارا.

2013 جىلدان باستاپ قۇرىلا باستاعان Huawei اكت اكادەميالارى ۋنيۆەرسيتەتتەر مەن كوللەدجدەرگە وقىتۋشىلاردى دايارلاۋعا، اكت ماماندىقتارىن اشۋعا جانە وڭتايلاندىرۋعا، وقۋ باعدارلامالارىن جەتىلدىرۋگە جانە زەرتحانالاردى قۇرۋعا كومەكتەسەتىن ساپالى كۋرستار مەن قولداۋ قىزمەتتەرىن ۇسىنىپ كەلەدى.

2015 جىلدان باستاپ Huawei 600-دەن استام حالىقارالىق ۋنيۆەرسيتەتپەن بىرلەسىپ، Huawei اكت اكادەميالارىن قۇردى. 1500-دەن استام وقىتۋشىلاردى دايىنداۋعا قولداۋ كورسەتكەن كومپانيا اتالمىش باعدارلاما اياسىندا الماتى جانە نۇر-Cۇلتان قالالارىنداعى ۋنيۆەرسيتەتتەردە 5 اكت اكادەميا اشىپ، وندا 300-دەن استام ستۋدەنت ءبىلىم الىپ شىقتى.

Huawei اكت اكادەمياسى اكت تەحنولوگيالارى مەن ونىمدەرىن الەمنىڭ جوعارى وقۋ ورىندارىنداعى ستۋدەنتتەرگە تانىستىرىپ، Huawei سەرتيفيكاتتاۋىنا قاتىسۋعا شاقىرادى. سونىمەن قاتار قوعام مەن عالامدىق اكت يندۋسترياسى ءۇشىن يننوۆاتسيالىق جانە قولدانبالى باعىتقا بەيىمدەلگەن تەحنيكالىق تالانتتى مامانداردى دايارلايدى.

Huawei اكت اكادەمياسىنىڭ باعدارلاماسى 2020 جىلى 2.0 كەزەڭىنە ەنەدى. بەس جىلدىق جوسپارىنا سايكەس Huawei 2 ميلليون اكت ماماندارىن دايىنداي كەلە 5G جانە جاساندى ينتەللەكت (AI) ءتارىزدى زاماناۋي تەحنولوگيالار سالاسىنداعى جوو-كاسىپورىن ىنتىماقتاستىعى نەگىزىندەگى شەشىمدەرىن ۇنەمى جاڭارتىپ وتىرادى.

وسى ماقساتقا جەتۋ ءۇشىن Huawei كومپانياسى الداعى بەس جىل ىشىندە جالپى ينۆەستيتسياسى كەمىندە 50 ميلليون اقش دوللارىن قۇرايتىن Huawei اكت-نى دامىتۋدى ىنتالاندىرۋ قورىن (ADIF) قۇرادى. بۇل قور اكت اكادەميالارىنىڭ كەلەسى ءتورت قادام اياسىندا تۇراقتى تۇردە جۇمىس ىستەۋىنە كومەكتەسەتىن بولادى: ستۋدەنتتەردىڭ پراكتيكالىق داعدىلارىن جاقسارتۋ ءۇشىن بىرلەسكەن ۋنيۆەرسيتەتتەردى وقۋ-ەكسپەريمەنتتىك جابدىقتارمەن قامتاماسىز ەتۋ; ADIF ارقىلى مۇعالىمدەردى وقىتۋ، ستۋدەنتتەردى Huawei سەرتيفيكاتتاۋ ەمتيحاندارىن تاپسىرۋعا ىنتالاندىرۋ ءۇشىن ەمتيحان بيلەتتەرىن تەگىن بەرۋ جانە ۇزدىك وقىتۋشىلار مەن ستۋدەنتتەردى ماراپاتتاۋ ءۇشىن ءبىلىم قورىن قۇرۋ; ستۋدەنتتەرگە ءوزارا قارىم-قاتىناس ورناتۋعا جانە وزدەرىنىڭ تالانتتارىن كورسەتۋگە مۇمكىندىك بەرۋ ءۇشىن Huawei اكت بايقاۋىن وتكىزۋ; ستۋدەنتتەرگە جۇمىس تابۋعا كومەكتەسۋ ماقساتىندا اكت بويىنشا ماماندار جارمەڭكەسىن ۇيىمداستىرۋ بويىنشا سەرىكتەستەرمەن ىنتىماقتاستىق.

Huawei Enterprise BG سەرىكتەستىك قىزمەتى ۆيتسە-پرەزيدەنتى حانك ستوكبروەك Huawei اكت اكادەميالارىن قۇرۋدى جالعاستىرا وتىرىپ، جىل سايىن 600-1000 Huawei اكت اكادەميالارى قۇرىلاتىندىعىن اتاپ ءوتتى. ونىڭ ناتيجەسىندە الەمدەگى ساندىق ۋنيۆەرسيتەتتەردىڭ وقىتۋشىلارى مەن ستۋدەنتتەرىنە ساپالى ءبىلىم الۋعا، تسيفرلىق داعدىلارىن جەتىلدىرۋگە جانە سالاعا سەرپىن بەرۋگە مۇمكىندىكتەر تۋاتىن بولادى.

بولاشاقتا Huawei ەكوجۇيەنىڭ بارلىق تاراپتارىمەن ىنتىماقتاستىقتى نىعايتىپ، ينۆەستيتسيالاردىڭ ارتىپ، سالالاردىڭ ساندىق تۇرلەنۋىنە ىقپال ەتەتىن تولىق تسيكلدى ەكوجۇيەنىڭ قۇرىلىسىن دامىتاتىن بولادى.

 الماتى

سوڭعى جاڭالىقتار

ۇقساس جاڭالىقتار