ءبىرىنشى كەزەكتە جاردەماقى قۇرامى, تۇراتىن مەكەنجايى جانە تابىس دەڭگەيى وزگەرمەگەن وتباسىلارعا تاعايىندالادى. الەۋمەتتىك كومەكتى قايتا تاعايىنداۋ ءۇشىن دەرەكتەردى تەكسەرۋ جۇرگىزىلەدى, اتاپ ايتقاندا تۇرعىلىقتى جەرى بويىنشا تىركەلۋ (تىركەۋ), جىلجىمايتىن م ۇلىكتىڭ , كولىكتىڭ بولۋى , تابىسى جانە ت. ب. تەكسەرىلەدى. وتباسى قۇرامى وزگەرمەگەن جاعدايدا وتىنىشتەر قولدا بار دەرەكتەر نەگىزىندە قالىپتاستىرىلادى. بارلىق اقپارات, سونداي-اق حابارلامالار ەلەكتروندىق پوشتا جانە مەسسەندجەرلەر ارقىلى جىبەرىلەتىن بولادى.
اعىمداعى جىلدىڭ باسىنان بەرى ااك الۋشىلار 102,4 مىڭ وتباسى نەمەسە 527,6 مىڭ ادام بولدى.
وڭىرلەردە 2,6 مىڭنان استام ۋچاسكەلىك كوميسسيا جۇمىس ىستەيدى. ولاردىڭ مالىمەتتەرى بويىنشا, ااك الۋشىلاردىڭ 41,5%-ىن كوپبالالى وتباسىلار قۇرايدى.
وسىعان ۇقساس سحەما بويىنشا شارتتى الەۋمەتتىك كومەكتى تاعايىنداۋ كوزدەلگەن. ەگەر الەۋمەتتىك كومەك الۋشىنىڭ مارتەبەسى وزگەرمەسە, جەكە جوسپاردا 2020 جىلعى 1-توقسانىمەن ۇقساس شارالار كورسەتىلەدى. بارلىق حابارلامالار ەلەكتروندىق تۇردە جىبەرىلەتىن بولادى.
ەستەرىڭىزگە سالا كەتەيىك , وتكەن جىلدىڭ جەلتوقسان ايىندا 1,5 ملن قازاقستاندىققا پرواكتيۆتى فورماتتا كوپبالالى وتباسىلارعا ارنالعان جاڭا مەملەكەتتىك جاردەماقى تاعايىندالعان بولاتىن. ازاماتتار تولەمدى 2020 جىلدىڭ قاڭتار ايىنىڭ باسىندا الدى.
بۇعان دەيىن حابارلانعانداي, ەڭبەك جانە حالىقتى الەۋمەتتىك قورعاۋ مينيسترلىگى قازاقستاندىقتارعا بىرقاتار قىزمەتتەردى الۋعا ونلاين-ءوتىنىش بەرۋ مۇمكىندىگىن ۇسىندى. مىسالى, جاسىنا بايلانىستى زەينەتاقى تولەمدەرىن, مەملەكەتتىك بازالىق زەينەتاقى تولەمىن, جۇكتىلىككە جانە بوسانۋعا بايلانىستى تابىسىنان ايىرىلعان جاعدايدا تولەنەتىن الەۋمەتتىك تولەمدەردى, جەرگىلىكتى وكىلەتتى ورگانداردىڭ شەشىمدەرى بويىنشا مۇقتاج ازاماتتاردىڭ جەكەلەگەن ساناتتارىنا الەۋمەتتىك كومەكتى تاعايىنداۋ جانە ت.ب. وتىنىشتەردى ونلاين-بەرۋ تەتىگىمەن تولىعىراق مىنا جەردەن تانىسۋعا بولادى https://enbek.gov.kz/kk/node/367028.
