«1406 بايلانىس ورتالىعىنىڭ وپەراتورلارى وسىنداي ماڭىزدى كەزەڭدە حالىققا دەنساۋلىقتى نىعايتۋ جانە اعزانى قورعاۋ, كۇدىكتى سيمپتومدار بايقالعاندا قالاي ارەكەت ەتۋ شارالارى بويىنشا كەڭەس بەرۋ دايىندىعىنان ءوتتى.
«قازىرگى ۋاقىتتا مەديتسينالىق ساقتاندىرۋ قورىنىڭ نۇر-سۇلتان قالاسى بويىنشا فيليالىنىڭ قىزمەتكەرلەرى دارىگەرلەر مەن تۇرعىن حالىققا قولداۋ ءبىلدىرۋ ماقساتىندا كۇشەيتىلگەن تارتىپتە جۇمىس ىستەۋدە. 1406 بايلانىس ورتالىعىنا تارتىلعان. وپەراتورلار سىرقاتتانىپ قالعان جاعدايدا قايدا بارۋ كەرەك, قانداي سيمپتومدارعا نازار اۋدارۋ كەرەك ەكەنىن, تالداۋلاردى (اناليزدەردى) قايدا تاپسىرۋعا بولاتىنىن تۇسىندىرەدى.
وزدەرىڭىز بىلەسىزدەر, ۇكىمەت پەن ۋاكىلەتتى ورگاندار قابىلداپ جاتقان شارالار حالىقتى قورعاۋعا باعىتتالعان. الايدا, قوعامدىق ورىندارعا بارۋ, كوشەدە سەبەپسىز ءجۇرۋ دەنساۋلىققا قاۋىپ توندىرەتىنىن سانالى ازاماتتار ءتۇسىنۋى كەرەك. سوندىقتان, ەلوردالىقتاردى ەرەكشە جاعدايعا كوڭىل بولۋگە, بىرىگىپ, ءبىر-بىرىمىزگە كومەك قولىن سوزۋعا, ۆيرۋس جۇقتىرۋدان ساقتانىپ, ونىڭ الدىن الۋعا, تازالىق-گيگيەنا شارالارىن ۇستانۋعا, سابىرمەن, ۇيىمداسا ارەكەت ەتۋگە شاقىرامىز» - دەيدى «مەديتسينالىق ساقتاندىرۋ قورى» كەاق نۇر-سۇلتان قالاسى بويىنشا فيليالىنىڭ ديرەكتورى ايدار سەيىتقازينوۆ.
ەستەرىڭىزگە سالا كەتەيىك, ءوز سۇراقتارىڭىزدى 1406 وپەراتورلارىنا Qoldau 24/7 ءموبيلدى قوسىمشاسى ارقىلى دا جولداۋىڭىزعا بولادى. جولدانىمعا تىركەۋ ءنومىرى بەرىلەدى, سودان كەيىن ءسىز ءوزىڭىزدىڭ جەكە كابينەتىڭىزدە ونىڭ مارتەبەسىن تەكسەرە الاسىز» دەلىنگەن حابارلامادا.
