ايماقتار • 19 ناۋرىز، 2020

الماتى قالاسىنداعى مۋزەيلەر جۇمىسى ۋاقىتشا توقتادى

8 رەتكورسەتىلدى

ەندىگى كەزەكتە الماتى مۋزەيلەرى Facebook، Instagram، Youtube الەۋمەتتىك جەلىلەرىندە بايلانىسقا شىعادى. ء«بىز بۇل شەشىمدى الەمدە ورىن الىپ جاتقان COVID19 ۆيرۋسىنا قاتىستى سوڭعى جايتتارعا بايلانىستى قابىلداپ وتىرمىز. قىزمەتكەرلەرىمىز بەن قوناقتارىمىزدىڭ دەنساۋلىعى مەن قاۋىپسىزدىگى ءبىزدىڭ باستى باسىمدىعىمىز بولىپ تابىلادى. قازىرگى ۋاقىتتا مۋزەيلەر ءوز ەسىگىن قاشان اشاتىنىن ايتا المايمىز، الايدا تسيفرلىق كانالدار ارقىلى سىزدەرمەن بايلانىستى ۇزبەۋگە تىرىسامىز»، دەپ اتاپ ءوتتى «الماتى قالاسى مۋزەيلەر بىرلەستىگى» كمقك ديرەكتورى ا.ۇمبەتاليەۆ.

مۋزەيلەر جابىق تۇرعان ۋاقىتتا كەلۋشىلەرمەن بايلانىستا قالۋ ءۇشىن ءبىز تسيفرلىق مازمۇندا جۇمىس ىستەيتىن بولامىز. ياعني، مۋزەيگە كەلۋدى تالاپ ەتپەيتىن جولدار ارقىلى مۋزەيلەر كوللەكتسيالارىمەن، فوتو-ۆيدەو ماتەريالدارمەن ءبولىسىپ وتىرامىز.

وسىعان وراي، Facebook، Instagram، Youtube الەۋمەتتىك جەلىلەرىندە الماتى مۋزەيى – almatymuseum; ىقىلاس اتىنداعى حالىق مۋزىكالىق اسپاپتار مۋزەيى – ykhlas_museum; س. مۇقانوۆ پەن ع. مۇسىرەپوۆتىڭ ادەبي-مەموريالدىق مۋزەي كەشەنى - muzey_s.g.m; د.ا. قوناەۆ مۋزەيى – museumkunaev; ن. تىلەنديەۆتىڭ مەموريالدىق مۋزەيى – tlendiyev_museum; مۋلتيمەديالىق ءداستۇرلى مۋزىكا ورتالىعى – multimedia_center ارقىلى مۋزەيلەر قورىمەن تانىسۋعا بولادى.

مۋزەيلەردىڭ جۇمىس جوسپارلارى، كورمەلەر اشىلعاننان كەيىنگى ۋاقىتتا قاراستىرىلادى. قوسىمشا اقپارات الۋ ءۇشىن razvitiya.muzey.01@mail.ru جانە 267-59-05 تەلەفون نومىرلەرى ارقىلى حابارلاسۋ قاجەت.

 

الماتى

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار