باسقا وبلىستاردان مال تاسىمالداۋ جۇمىستارىنا شەكتەۋ قويىلماعان. اكەلىنگەن بارلىق ءتورت ت ۇلىك تەكسەرۋدەن وتكىزىلەدى. قازىرگى جاعدايعا بايلانىستى وبلىس كولەمىندە بىردە-ءبىر مالدان اۋرۋ تىركەلگەن جوق. دەزينفەكتسيالاۋ كەزىندە مال قورالار, جەم-ءشوپ ساقتالعان قويمالار مەن مال تاسيتىن قۇرالدار دا تازالانادى. سونىمەن قاتار, مال بازارىنا كىرىپ شىققان ءار ءبىر اۆتوكولىك ارنايى ديزبارەردەن وتەدى. ايتا كەتەيىك, جۇمىس ۋاقىتى تاڭعى 6-دان كۇندىزگى 3-كە دەيىن قىسقارتىلعان.
-قازىرگى تاڭدا بارلىق سانيتارلىق جۇمىستار كۇشەيتىلىپ, بارلىعى تولىقتاي باقىلاۋعا الىندى. ماسەلەن, بۇگىن «ەلنار» مال بازارى مەن مال سويۋ پۋنكتىندە بولىپ, تەكسەرىپ قاراپ شىقتىق. سانيتارلىق ديزەنفەكتسيالىق جۇمىستار كورسەپتى 17 پرەپاراتىمەن, تازالىق ساقتاۋداعى انتيسەپتيكالىق جۇمىستار ديحلور سۇيىقتىعىمەن جاسالىنادى. نەگىزىنەن بىزگە مالدار ورال, اقتوبە وبلىستارىنان كەلەدى. بارلىق مالداردىڭ جاعدايى تولىقتاي تەكسەرۋدەن وتكىزىلىپ, بەلگىلى ۋاقىتتان كەيىن عانا ساتۋعا شىعارىلادى, دەيدى اقتاۋ قالالىق اۋىلشارۋاشىلىعى جانە ۆەتەريناريا ءبولىمىنىڭ باسشىسى نۇربەرگەن مامۋتوۆ.
ماڭعىستاۋ وبلىسى
