– ىشكى ىستەر ءمينيسترىنىڭ بۇيرىعىمەن جەكە قۇرام قىزمەتتىڭ كۇشەيتىلگەن نۇسقاسىنا كوشىرىلدى. پوليتسيانىڭ باستى مىندەتى – قوعامدىق ءتارتىپتى ساقتاۋ جانە ازاماتتاردىڭ قاۋىپسىزدىگىن قامتاماسىز ەتۋ. قازىرگى ۋاقىتتا دەپارتامەنت كوروناۆيرۋستىق ينفەكتسيانىڭ تارالۋىن بولدىرماۋ ءۇشىن ونىمەن كۇرەسۋ شارالارىن جۇرگىزۋدە. مۇددەلى مەملەكەتتىك ورگاندار قىزمەتكەرلەرىمەن بىرلەسە وتىرىپ ينفەكتسيا جۇقتىرعان ادامدارمەن تىكەلەي بايلانىستا بولعان تۇلعالاردى ىزدەستىرۋ شارالارى جۇرگىزىلۋدە. بۇگىنگى كۇنى وسىنداي 798 ازامات انىقتالىپ, ولار مەديتسينالىق مەكەمەلەرگە جەتكىزىلدى, – دەدى قانات تايمەردەنوۆ.
سونداي-اق ول ەرەكشە ماڭىزعا يە مەملەكەتتىك نىساندار مەن مەكەمەلەردى تاۋلىك بويى كۇزەتۋ جۇزەگە اسىرىلاتىنىن اتاپ ءوتتى.
– پرەزيدەنت جانىنداعى توتەنشە جاعدايدى قامتاماسىز ەتۋ جونىندەگى مەملەكەتتىك كوميسسيانىڭ شەشىمىمەن 19 ناۋرىزدا ساعات 00.00-دەن باستاپ كارانتين رەجيمى ەنگىزىلەدى. باستى ماقسات – قالانىڭ سىرتقى اۋماعىن باقىلاپ, قالانىڭ ىشىندەگى كارانتين رەجيمىن قاتاڭ قاداعالاۋ ارقىلى ينفەكتسيانىڭ تارالۋىن توقتاتۋ. الماتىنىڭ شەكارالارىنا اۆتوكولىكتىڭ كىرۋى مەن شىعۋىنا شەكتەۋ قويىلادى. سوعان بايلانىستى قالانىڭ بارلىق كىرەبەرىستەرىنە جانە ون ماگيسترالعا 27 بلوك-بەكەت قويىلادى. سول جەرگە كۇندەلىكتى پوليتسيا قىزمەتكەرلەرى مەن قورعانىس مينيسترلىگىنىڭ جاۋىنگەرلەرى جۇمىلدىرىلادى, – دەدى ول.
بۇدان سوڭ, قانات تايمەردەنوۆ پوليتسيا دەپارتامەنتىندە ارنايى call-ورتالىق جۇمىس ىستەيتىنىن ايتتى.
– پوليتسيا دەپارتامەنتىندەگى call-ورتالىق 254-40-07 نومىرىمەن جۇمىس ىستەيدى. بۇل ورتالىق ازاماتتار تاراپىنان تۋىنداعان ماسەلەلەردى قاراستىرىپ, بارلىق سۇراقتارىنا شۇعىل جاۋاپ بەرىلەدى. قۇرمەتتى ازاماتتار! سىزدەردىڭ ىشكى ىستەر ورگاندارى تاراپىنان جاسالىپ جاتقان شارالارعا تۇسىنىستىكپەن قاراۋلارىڭىزدى سۇرايمىز. ويتكەنى, ولار ءسىزدىڭ جانە ءسىزدىڭ جاقىندارىڭىز ءۇشىن قابىلدانىپ جاتقان شارا, – دەدى ق. تايمەردەنوۆ.
