ءبىلىم • 17 ناۋرىز، 2020

«دارىن» پلاتفورماسىندا ءبىر اي تەگىن ءبىلىم الۋعا بولادى

196 رەتكورسەتىلدى

ەلىمىزدە كوروناۆيرۋسقا بايلانىستى جاريالانعان توتەنشە جاعدايلار كەزىندە مەكتەپ جاسىنداعى بالالار قاشىقتىقتان ءبىلىم الۋدا. وسى ءبىر اي مەرزىم ارالىعىندا «دارىن» ونلاين پلاتفورماسى وقۋشىلار ءۇشىن ءبىلىم بەرۋ باعدارلاماسىن تەگىن ۇسىنادى.

ءبىلىم بەرۋ ورتالىعىنىڭ ديرەكتورى اسقار ماقسات ۇلىنىڭ ايتۋىنشا، «دارىن» پلاتفورماسى ءبىلىم جانە عىلىم مينيسترلىگىمەن ماقۇلدانعان ستاندارتقا سايكەس جۇرگىزىلەدى. وعان ەلىمىزدىڭ بارلىق وڭىرلەرىنەن وقۋشىلاردىڭ قاتىسۋ مۇمكىندىگى بار.

2019 جىلدىڭ قازان ايىنان بەرگى ارالىقتا جۇزەگە اسقان جوبا اياسىندا 5-11-سىنىپتار بويىنشا 26 ءپان وقىتىلۋدا. 16 ناۋرىزدان باستاپ 15 ساۋىرگە دەيىن قولجەتىمدى بولىپ تابىلاتىن پلاتفورمادا ءبىلىم الۋ تەگىن. وقىتۋشىلار بەينەساباقتار ارقىلى بارلىق تاقىرىپتاردى تۇسىندىرەدى ءارى وقۋشىعا ءار تاقىرىپقا سايكەس ون تەست سۇراعى بەرىلىپ، بالانىڭ ويلاۋ جۇيەسىن جەتىلدىرۋگە بايلانىستى تاپسىرمالار بەرىلەدى.

تاپسىرما  ناتيجەسىنە وراي وقۋشى «دارىن» بونۋسىنا يە بولادى. بونۋستار ىشكى ۆاليۋتامەن ەسەپتەلەدى، ياعني 1 دارىن - 1 تەڭگە. مىسالى، ءبىلىم الۋشىلار ءبىر تاقىرىپ بويىنشا وتىز ءبىر «دارىن» جيناپ، قازاقستان بويىنشا رەيتينگكە قاتىسا الادى. ال 30-40 مىڭ جيناعان وقۋشىلار ءۇشىن «دارىننىڭ» ارنايى سىيلىقتارى بار. سونداي-اق،  «دارىن» العان وقۋشىلار ۇبت-نى وسى پلاتفورمادا ونلاين تاپسىرۋ مۇمكىندىگىنە يە. جيناعان بالى ارقىلى قانداي ماماندىققا، قاي قالاداعى وقۋ ورنىنا بارا الاتىندىعى جايىنداعى مالىمەتتەرمەن «اناليز» قوسىمشاسى ارقىلى تانىسا الادى.

ەندىگى كەزەكتە 1-11-سىنىپ ارالىعىنداعى بارلىق ساباقتاردى قوسۋدى جوسپارلاپ وتىرمىز دەگەن ورتالىق ديرەكتورىنىڭ ايتۋىنشا، «دارىندا» رەسپۋبليكالىق، حالىقارالىق وليمپيادا جەڭىمپازدارى مەن «دارىن» تالاپاتارىنا سايكەس ىرىكتەلگەن ساراپشىلار ءبىلىم بەرەدى. ءاربىر ءپان ورتالىق تالاپتارىنا سايكەس وتكىزىلەدى. «دارىن» ۇستازدارى باسقا ءبىلىم پلاتفورمالارىندا ساباقتار وتكىزبەيدى.

 

الماتى

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار