بايقاۋعا قازاق جانە ورىس تىلىندە جازىلعان جۇمىستار ناۋرىزدىڭ 15-نەن باستاپ قىركۇيەكتىڭ 15-نە دەيىن قابىلدانادى. وقىرماندار قازان ايىنىڭ 1-نە دەيىن داۋىس بەرە الادى.
وقىرماندار جىلدىڭ ۇزدىك پوەزياسى; جىلدىڭ ۇزدىك پروزاسى; دارابوز: جىلدىڭ ۇزدىك بالالار جانە جاسوسپىرىمدەر شىعارماسى تومەندەگى اتالىمدار بويىنشا داۋىس بەرەدى: ەسەنجول دومباەۆ اتىنداعى جىلدىڭ ۇزدىك ساتيراسى; جىلدىڭ ۇزدىك فانتاستيكا جانە دەتەكتيۆ شىعارماسى; جىلدىڭ ۇزدىك كينوستسەناريى جانە دراماتۋرگياسى; قازاق ادەبيەتىنە قوسقان ەلەۋلى ەڭبەگى ءۇشىن; ەسەنقۇل مامان ۇلى اتىنداعى سىيلىق قازاق تىلىندەگى ۇزدىك رومانعا بەرىلەدى.
العاشقى كەزەڭدە شىعارمالار akalam.kz ۆەب-سايتىندا ىرىكتەلەدى. وقىرماندار وزىنە ۇناعان جۇمىسقا داۋىس بەرە الادى. Cايتتا ونلاين-داۋىس بەرۋ 6 اي بويى جالعاسادى. داۋىس بەرۋ اياقتالعان سوڭ, ءار اتالىم بويىنشا 5 شىعارما تاڭداپ الىنادى.
سايىستىڭ ەكىنشى كەزەڭىنە وقىرماندار تاراپىنان ەڭ كوپ ۇپاي جيناعان شىعارمالار وتەدى. ودان كەيىن جۇلدەنى ۇيىمداستىرۋشىلار مەن جوبا سەرىكتەستەرىنەن قۇرالعان قازىلار ءاربىر نوميناتسيا بويىنشا جەڭىمپازداردى انىقتايدى. وتكەن جىلدارداعىداي, سايىس بارىسىندا شىعارما اۆتورلارى كورسەتىلمەيدى.
ەسەنقۇل مامان ۇلى اتىنداعى باس جۇلدە - 1 000 000 (1 ملن) تەڭگە قازاق تىلىندە جازىلعان ۇزدىك روماننىڭ اۆتورىنا بۇيىرادى. سونىمەن قاتار بالالار ادەبيەتىنە ارنالعان «دارابوز» بايقاۋىنىڭ جەڭىمپازىنا 1 000 000 (1 ملن) تەڭگە بەرىلەدى. قارجىلاي سىيلىقتاردى «ZHERSU» ينۆەستيتسيالىق-وندىرىستىك كورپوراتسياسىنىڭ جەتەكشىسى باۋىرجان وسپانوۆ تاعايىنداپ وتىر.
«التىن قالام 2020» ادەبي جۇلدەسى جەڭىمپازدارىنىڭ ەسىمدەرى كۇزدە وتەتىن ماراپاتتاۋ شاراسىندا جاريالانادى.
ادەبي تۋىندىلاردى ۇيىمداستىرۋ كوميتەتىنىڭ adebiet2014@gmail.com, kenze2002@mail.ru ەلەكتروندىق پوشتاسىنا جولدانادى. كونكۋرس جايلى تولىق مالىمەتتى akalam.kz رەسمي سايتىنان بىلۋگە بولادى. سايىسقا تۇسكەن بارلىق شىعارما اتالعان سايتتا جاريالانادى.
الماتى
