ەكونوميكا • 17 ناۋرىز، 2020

ونلاين باقىلاۋ-كاسساسىنا بالاما ادىستەر قاراستىرىلۋدا

7 رەتكورسەتىلدى

قارجى مينيسترلىگى اعىمداعى جىلدىڭ سوڭىنا دەيىن ونلاين باقىلاۋ-كاسسالىق ماشيناسىنا (ونلاين بكم) بالاما رەتىندە دارا كاسىپكەرلەرگە ء(وزىن-ءوزى جۇمىسپەن قامتۋشىلارعا، سالىق تولەۋشىلەرگە، پاتەنت بويىنشا جۇمىس ىستەيتىندەرگە) ارنالعان تەگىن موبيلدىك قوسىمشا ازىرلەۋگە ىقپال ەتەتىنىن مالىمدەدى دەلىنگەن قم مەملەكەتتىك كىرىستەر كوميتەتىنىڭ ءباسپاسوز قىزمەتىنىڭ مالىمەتىندە.

شاعىن جانە ورتا بيزنەس وكىلدەرى ءۇشىن مەملەكەتتىك كىرىستەر كوميتەتىنىڭ اقپاراتتىق جۇيەلەرىن ەكىنشى دەڭگەيلى بانكتەرمەن ينتەگراتسيالاۋ جۇمىستارى جۇرگىزىلۋدە. الداعى ۋاقىتتا جەكە تۇلعالار مەن كاسىپكەرلەردىڭ اقشالاي اۋدارىمدارى ءۇشىن پايدالانىلاتىن ءموبيلدى قوسىمشا ونلاين بكم مەن پوس-تەرمينالداردىڭ تەگىن بالاماسى رەتىندە جۇمىس ىستەمەك. وعان قوسا جاڭا جۇيە ونلاين تىركەۋگە تۇرۋ، ونلاين تۇردە سالىقتىق ەسەپ تاپسىرۋ جانە سالىق تولەۋ سىندى فۋنكتسيالاردى قامتىماق.

قازىرگى تاڭدا ونلاين باقىلاۋ-كاسسالىق ماشيناسى سالىقتىق اكىمشىلەندىرۋدىڭ نەگىزگى تەتىگى بولىپ وتىر. ونلاين باقىلاۋ-كاسسالىق ماشيناسىنان الىنعان دەرەكتەر مەملەكەتتىك كىرىستەر كوميتەتىنە تاۋارلار مەن قىزمەتتەر ءۇشىن تولەنگەن قاراجاتقا ساراپتاما جاساۋعا مۇمكىندىك بەرىپ وتىر. ونلاين تۇبىرتەكتەر اۋقىمدى دەرەكتەر قورىن جينايتىندىقتان، مەملەكەتتىك كىرىستەر كوميتەتىنىڭ اقپاراتتىق جۇيەسىن بارلىق ساۋدا نۇكتەلەرىمەن ينتەگراتسيالاۋ ءتيىمسىز.

سوندىقتان فيسكالدى دەرەكتەردى قابىلداۋ، ساقتاۋ جانە مكك اقپاراتتىق جۇيەسىنە جولداۋ فۋنكتسياسىن فيسكالدىق دەرەكتەر وپەراتورى ارقىلى جۇزەگە اسىرۋ تۋرالى شەشىم قابىلدانعان. مۇنداي تاجىريبە الەمنىڭ وزگە ەلدەرىندە دە كەڭىنەن قولدانىلادى. ال كورشىلەس رەسەي فەدەراتسياسىن مىسالعا الار بولساق، وندا فيسكالدىق دەرەكتەر عانا ەمەس، شوت فاكتۋرالاردىڭ اقپاراتتىق جۇيەسى دە جەكە مەنشىك وپەراتورلارعا بەرىلگەن. قازاقستاندا 2014 جىلدان باستاپ فيسكالدىق دەرەكتەر وپەراتورى رەتىندە «قازاقتەلەكوم» اق جۇمىس ىستەپ كەلگەن. ال 2019 جىلى بۇل قىزمەتتى باسەكەلەستىك ورتاعا بەرۋ تۋرالى شەشىم قابىلداندى.

وسىلايشا، قازىرگى تاڭدا فيسكالدىق دەرەكتەر وپەراتورى فۋنكتسياسىن 4 زاڭدى تۇلعا جۇزەگە اسىرۋدا («قازاقتەلەكوم» اق، «ترانستەلەكوم» اق، "كار-تەل" جشس جانە «KazTransCom» جشس). بۇل شارالار قىزمەتتىڭ قۇنىن تومەندەتىپ، ساپاسىن ارتتىرۋ ماقساتىندا قولعا الىنعان. بۇگىندە «ترانستەلەكوم» اق قىزمەت قۇنىن 1400 تەڭگەگە دەيىن تومەندەتتى. ونلاين باقىلاۋ-كاسسالىق ماشينالارىن پايدالانۋ وتاندىق IT سالاسىن دامىتۋعا ۇلەس قوسپاق.

بۇگىندە سمارتفونداردا ءموبيلدى ونلاين باقىلاۋ-كاسسالىق ماشينالارى قوسىمشالارىنىڭ بىرنەشە ءتۇرى بار. ولاردىڭ كەيبىرى اقىسىز نەگىزدە جۇمىس ىستەيدى. قر قم ماماندارى مۇنداي پيلوتتىق جوبالاردىڭ مۇمكىندىكتەرى مەن قاۋىپسىزدىگىن زەرتتەۋدە.

 

الماتى

سوڭعى جاڭالىقتار

عاسىر زۇلماتى

قوعام • كەشە

ۇقساس جاڭالىقتار