1986 جىلعى قىز الماتىعا 15 ناۋرىز كۇنى ىستامبۇلدان ۇشىپ كەلگەن. كەشەگى ەڭ سوڭعى اقپارات بويىنشا ەلىمىزدە كوروناۆيرۋس جۇقتىرعان ناۋقاستاردىڭ سانى 10-عا جەتتى. اتاپ ايتقاندا ونىڭ 8-ءى الماتى قالاسىندا تىركەلسە, 2- 3 نۇر-سۇلتان قالاسىندا انىقتالدى. بۇگىندە 1536 ادام ستاتسيونارلىق كارانتيندە بولسا, 1094 ازامات ءۇي كارانتينىندە.
مينيسترلىك قحر-دان جانە شەكارالاس مەملەكەتتەردەن كەلگەن ازاماتتارعا مونيتورينگ جالعاسىپ جاتقانىن دا جازدى. بارلىق ساناتتار بويىنشا مونيتورينگكە 2745 ادام الىنعان. ونىڭ ىشىندە 1 «ا» ساناتى بويىنشا – 1706 ادام, 1 «ب» ساناتى بويىنشا – 656 ادام, 2-سانات بويىنشا – 383 ادام. جالپى كەشە كەشكە دەيىن دەنە قىزۋىمەن جانە جرۆي بەلگىلەرىمەن 132 ادام اۋرۋحاناعا جاتقىزىلعان. ونىڭ 40-ى 1 «ب» ساناتىنداعى, 43-ءى 2-ساناتتاعى, ال 49-ى 3-ساناتتاعى ەلدەردەن كەلگەندەر. باس سانيتارلىق دارىگەردىڭ قاۋلىسىمەن بۇل پاتسيەنتتەردىڭ بارلىعى الگوريتمگە سايكەس ينفەكتسيالىق ستاتسيونارعا جاتقىزىلدى.
رەسمي اقپاراتتى دەنساۋلىق ساقتاۋ مينيسترلىگىنىڭ سايتىنان جانە فەيسبۋكتەگى پاراقشاسىنان وقي الاسىزدار جانە وزگە دە سۇراقتار بويىنشا تاۋلىك بويى جۇمىس ىستەيتىن 1406 بايلانىس-ورتالىعىنا قوڭىراۋ شالۋعا بولادى.
