رەسپۋبليكالىق ماڭىزى بار قالالار مەن وبلىستاردىڭ ءىرى ساۋدا ورتالىقتارىنىڭ جۇمىسى, سونداي-اق باعا بەلگىلەۋ ماسەلەلەرى تۋرالى وڭىرلەردىڭ اكىمدەرى, ساۋدا جەلىلەرىنىڭ يەلەرى مەن باسشىلارى باياندادى. ساۋدا نىساندارىندا سانيتارلىق جانە دەزينفەكتسيالىق شارالاردى كۇشەيتۋ جونىندەگى ۇسىنىمدارمەن دەنساۋلىق ساقتاۋ ءمينيسترى ە. ءبىرتانوۆ پەن ساۋدا جانە ينتەگراتسيا ءمينيسترى ب. سۇلتانوۆ تانىستىردى.
«قازىرگى جاعدايداعى نەگىزگى مىندەتتەر – ازىق-ت ۇلىك قاۋىپسىزدىگىن قامتاماسىز ەتۋ, الەۋمەتتىك ماڭىزى بار ازىق-ت ۇلىك ونىمدەرىنە جانە العاشقى قاجەتتىلىك تاۋارلارىنا باعانىڭ وسىنە جول بەرمەۋ. اكىمدىكتەر, ءىرى كوتەرمە ساۋدا جەتكىزۋشىلەرى جانە ساۋدا جەلىلەرىنىڭ يەلەرى حالىق ءۇشىن قولايلى باعالار بويىنشا تاۋارلاردى ۇزدىكسىز جەتكىزۋدى قامتاماسىز ەتۋ ماقساتىندا تىعىز ءوزارا ءىس-قيمىل جاساسۋى قاجەت», — دەدى ا. مامين.
ۇكىمەت باسشىسى الەۋمەتتىك-كاسىپكەرلىك كورپوراتسيالارى مەن تۇراقتاندىرۋ قورلارىنىڭ رەسۋرستارىن بەلسەندى پايدالانۋ قاجەتتىگىن اتاپ ءوتتى.
«ازىق-ت ۇلىك تاۋارلارىن ساتاتىن ساۋدا نىساندارى حالىقتىڭ تىنىس-تىرشىلىگىن قامتاماسىز ەتۋدە ماڭىزدى ورىن الادى. قاۋىپسىزدىك ماقساتىندا بارلىق سانيتارلىق-ەپيدەميولوگيالىق نورمالاردىڭ قامتاماسىز ەتىلۋىن قاداعالاۋ قاجەت. ساۋدا نىساندارىنىڭ قىزمەتكەرلەرى بارلىق قاجەتتى سانيتارلىق جەكە قورعانۋ قۇرالدارىمەن قامتاماسىز ەتىلۋى ءتيىس», — دەدى ا. مامين.
پرەمەر-مينيستر الەۋمەتتىك ماڭىزى بار ازىق-ت ۇلىك ونىمدەرى مەن العاشقى قاجەتتىلىك زاتتارى باعاسىنىڭ تۇراقتىلىعىن قامتاماسىز ەتۋ اسا ماڭىزدى ەكەنىن اتاپ ءوتتى.
