«ازاماتتىق اۆياتسيا سالاسىندا اپتاسىنا 49 تۇراقتى حالىقارالىق رەيس توقتاتىلدى جانە 84 حالىقارالىق رەيس قىسقارتىلدى. وسىعان دەيىن قازاقستان مەن قىتاي, يران, ازەربايجان ەلدەرى اراسىندا رەيستەر توقتاتىلعان ەدى. Lufthansa اۋە كومپانياسى ءوز ەركىمەن تۇراقتى حالىقارالىق رەيستەرىن توقتاتتى. 16 ناۋرىز كۇنى Air Astana, SCAT قازاقستان اۋە كومپانيالارىنىڭ جانە شەتەلدىك Turkish Airlines, flydubai, Etihad Airways, Air Arabia, Wizz Air, LOT جانە Belavia اۋە كومپانيالارىنىڭ 68 تۇراقتى رەيسىن توقتاتتىق. سونداي-اق SCAT اۋە كومپانياسىنىڭ نۇر-سۇلتان-انتاليا, الماتى-انتاليا باعىتىنداعى تۇراقتى رەيس تە توقتاتىلدى» دەدى بەرىك كاماليەۆ.
ۆيتسە-مينيستر بارلىق تاسىمالداۋشى جانە جولاۋشىلاردى سابىر ساقتاۋعا شاقىردى. سونداي-اق بەرىك كاماليەۆ ۇسىنىلعان شارالار ەلىمىزدە قاۋىپتى ۆيرۋستىڭ تارالۋىنا شەكتەۋ قويۋعا باعىتتالعان جانە ۋاقىتشا سيپاتتا ەنگىزىلگەنىن اتاپ ءوتتى.
