كەشە «قازمۇنايگاز» ۇك» اق-تىڭ باس عيماراتىندا «سامۇرىق-قازىنا» اق باسقارۋشى ديرەكتورى دارحان قالەتاەۆ پەن قور جانىنداعى الەۋمەتتىك ارىپتەستىك ورتالىعىنىڭ باس ديرەكتورى نۇرلان ەرىمبەتوۆتىڭ باسشىلىعىمەن ءباسپاسوز كونفەرەنتسياسى بولدى.
كەشە «قازمۇنايگاز» ۇك» اق-تىڭ باس عيماراتىندا «سامۇرىق-قازىنا» اق باسقارۋشى ديرەكتورى دارحان قالەتاەۆ پەن قور جانىنداعى الەۋمەتتىك ارىپتەستىك ورتالىعىنىڭ باس ديرەكتورى نۇرلان ەرىمبەتوۆتىڭ باسشىلىعىمەن ءباسپاسوز كونفەرەنتسياسى بولدى.
شارانىڭ تاقىرىبى «سامۇرىق-قازىنا» اق توبى كومپانيالارىنىڭ الەۋمەتتىك تۇراقتىلىق رەيتينگى» دەپ اتالدى. ءبىرىنشى ءسوز الىپ, تاقىرىپتىڭ ءمان-ماڭىزىنا توقتالعان د.قالەتاەۆ قور توبىنداعى كومپانيالاردىڭ الەۋمەتتىك قىزمەتىن تاراتتى. ءسويتىپ, قور جانىندا قۇرىلعان الەۋمەتتىك ارىپتەستىك ورتالىعىنىڭ باس ديرەكتورىنا ءسوز كەزەگىن بەردى. ن.ەرىمبەتوۆ ورتالىقتىڭ وسى ۋاقىتقا دەيىن اتقارعان جۇمىستارىمەن باق وكىلدەرىن جان-جاقتى تانىستىردى.
باس ديرەكتوردىڭ دايەكتى مالىمەتتەرىنە كوز سالساق, ورتالىق ايتارلىقتاي ءىس تىندىرعان. قىسقا ۋاقىتتىڭ ىشىندە ءار كومپانيالاردا الەۋمەتتىك ساۋالنامالار جۇرگىزىپ, جۇمىسشىلاردىڭ حال-جاعدايى مەن كوڭىل-كۇيىن, سونداي-اق, جۇمىسقا دەگەن ىنتالارىنىڭ رەيتينگىن انىقتاپ, سول بويىنشا ارنايى الەۋمەتتىك كارتا دا جاساپ جاتىر ەكەن. ناتيجەسىندە, كوپتەگەن الەۋمەتتىك ماسەلەلەردىڭ ءتۇيىنى تابىلىپ, تۋىنداعان سالدارى انىقتالعان. وعان قوسا, ەندىگى سالداردىڭ اكەلەر زاردابى مەن زالالى دا كارتادا ايقىن كورسەتىلگەن.
كارتاداعى رەيتينگتەردى قور توبىنداعى ەكى ۇلتتىق كومپانيا باسشىلىعىنا كورسەتكەنىمىزدە ولار تاڭ-تاماشا قالىپ, ءوز قاتەلىك, كەمشىلىكتەرىن ارەڭ مويىندادى. ولاي ەتپەسكە امالدارى دا جوق ەدى. ويتكەنى, بۇل جۇمىستاردىڭ ءبارى عىلىمي تۇرعىدا زەرتتەلىپ, زەردەلەنگەن دۇنيەلەر, دەدى ورتالىقتىڭ باس ديرەكتورى ن.ەرىمبەتوۆ ۇاق جانىنان ورتالىقتىڭ قۇرىلۋىنا 2011 جىلى جەلتوقساندا جاڭاوزەندە ورىن العان وقيعا سەبەپ بولعانىن اشىق ايتتى. ءسويتىپ, بۇدان بىلاي قور توبىنداعى كومپانيالاردا الەۋمەتتىك جاعدايلاردى باقىلاپ, ەڭبەك داۋلارى مەن ءتۇرلى تۇسىنىسپەۋشىلىكتەردىڭ الدىن الىپ وتىرۋ باستى ماقساتتىڭ بىرىنە اينالعانىن نەگىزدەدى. ورتالىق جۇرگىزىپ وتىرعان وسى عىلىمي ءىس-شارالار نەگىزىندە قور توبىنداعى كومپانيالاردىڭ الەۋمەتتىك كارتاسى ءتۇزىلىپ, ءار كومپانيانىڭ الەۋمەتتىك ساياساتىن جەتىلدىرۋگە ۇسىنىستار دا دايىنداپ جاتقان كورىنەدى. اتقارىلىپ جاتقان وسى زەرتتەۋ جۇمىستارى الداعى ۋاقىتتا بولۋى ىقتيمال ەڭبەككە بايلانىستى قاقتىعىستاردىڭ الدىن الۋعا, ولاردى تەز ارادا انىقتاپ, شەشىمىن جەدەل تابۋعا كومەك بەرەدى.
كونفەرەنتسيادا ورتالىقتىڭ جۇمىسشى-قىزمەتكەرلەرگە كومەكشى قۇرال رەتىندە دايىنداعان «مەنىڭ ساۋالىم بار...» اتتى انىقتامالىق كىتابى دا تانىستىرىلدى. كىتاپتىڭ اتى ايتىپ تۇرعانداي, كەز كەلگەن جۇمىسشى ىزدەگەن قانداي دا قۇقىقتىق ساۋالىنا انىقتامالىقتان قىسقا دا نۇسقا ءارى ۇعىنىقتى جاۋابىن الا الادى.
شارا سوڭى ساۋال-جاۋاپقا ۇلاستى. تىلشىلەر تاراپىنان قويىلعان بىرقاتار سۇراقتارعا جاۋاپ بەرگەن باس ديرەكتور ۇلتتىق ماسەلەلەر مەن مەملەكەتتىك تىلگە دە ايرىقشا توقتالىپ ءوتتى. ءباسپاسوز كونفەرەنتسياسىن قورىتىندىلاعان د.قالەتاەۆ بۇگىنگى تاڭدا «سامۇرىق-قازىنا» اق مەملەكەتتىك ءتىلدى وندىرىسكە تولىق ەنگىزۋ بويىنشا ارنايى باعدارلاما دايىنداپ جاتقانىن ايتتى.
نۇرباي ەلمۇراتوۆ,
«ەگەمەن قازاقستان».
