بىراق, 1 اي پايدالانۋدان كەيىن ايالداما اۋماقتارى جانە توسەلگەن جولداردا ىزدەر, ياعني جىك تۇرىندە اقاۋلار پايدا بولا باستادى.
اقاۋلاردىڭ پايدا بولۋ سەبەپتەرىن انىقتاۋعا «قازجولعزي» عىلىمي-زەرتتەۋ ينستيتۋتى تارتىلعان بولاتىن. قاجەتتى لابوراتوريالىق سىناقتار جۇرگىزىلگەن سوڭ اقاۋلاردىڭ پايدا بولۋىنا نەگىزگى بولىگى, ياعني تومەنگى قاباتىنىڭ شالا تىعىزدالۋى جانە نەگىزگى بولىگىمەن ناشار بايلانىسقانى سەبەپ بولعانى انىقتالدى. وسىدان سوڭ ينستيتۋت اسفالت-بەتوندى قاباتتى تۇگەلىمەن الىپ تاستاۋدى, اقاۋلى جىكتەردى شايىرمەن بىتەۋدى, تومەنگى قاباتىن Butanal NS پوليمەرىن قولدانۋ ارقىلى ءىرى ءتۇيىرلى اسفالت-بەتونمەن, جوعارعى قاباتىن سونداي NS پوليمەرىن قولدانۋ ارقىلى ۇساق تاستى-شايىرلى 20-شى اسفالت-بەتون توسەۋدى ۇسىندى.
وتكىزىلگەن ساراپتاما نەگىزىندە باسقارما «Rostra Group» جشس مەردىگەر مەكەمەسىنە كەپىلدىك مىندەتتەمە شەڭبەرىندە ءوز ەسەبىنەن اعىمداعى جىلدىڭ تامىز ايىنىڭ 22-سىنەن 26-سىنا دەيىن اقاۋلاردى جويۋدى تاپسىردى. وسى مەرزىم ارالىعىندا اتالعان ۋچاسكەدە اۆتوكولىك قوزعالىسى شەكتەلەتىن بولادى, دەپ حابارلادى استانا قالاسى اكىمى اپپاراتىنىڭ ءباسپاسوز قىزمەتى.
