قوعام • 13 ناۋرىز، 2020

«الماتىنىڭ جىل مۇعالىمى» كونكۋرسىندا باس جۇلدەگە پاتەر بەرىلەدى

74 رەتكورسەتىلدى

الماتى اكىمى باقىتجان ساعىنتاەۆتىڭ تاپسىرماسىنا وراي قالالىق ءبىلىم باسقارماسى «الماتىنىڭ جىل مۇعالىمى» اتاعىن بەرۋ بويىنشا ورتا ءبىلىم بەرۋ ۇيىمدارىنىڭ مۇعالىمدەرى اراسىندا كونكۋرسىن باستادى.

كونكۋرس جەڭىمپازدارى جىل سايىنعى «مۇعالىمدەر كۇنى» مەرەكەسىنىڭ سالتاناتىندا ماراپاتتالادى. كونكۋرستىڭ باس جۇلدەسىنە «الماتىنىڭ جىل مۇعالىمى» اتاعى بەرىلىپ، جۇلدەلى ورىندارعا يە بولعان كونكۋرس قاتىسۋشىلارىنا ديپلوم، قۇندى سىيلىق بەرىلەدى (باس جۇلدە - ءبىر بولمەلى پاتەر، ءى ورىن - اۆتوكولىك) جانە ءبىر جولعى اقشالاي سىياقى بەرىلەدى (II ورىن - 2،5 ملن تەڭگە، III ورىن - 1 ملن تەڭگە).

قازىرگى كەزدە ۇستازدار قاۋىمى مەكتەپىشىلىك سايىستاردان ءوتىپ، قازىرگى كەزدە 400-گە جۋىق جەڭىمپاز اۋدانارالىق كەزەڭنەن وتۋدە.

الماتى قالاسى ءبىلىم باسقارماسىنىڭ ء«بىلىم بەرۋدەگى جاڭا تەحنولوگيالاردىڭ قالالىق عىلىمي-ادىستەمەلىك ورتالىعى» قكم ديرەكتورى اندرەي دۋپيك جۋرناليستەرمەن ءباسپاسوز بريفينگى بارىسىندا كونكۋرس شارتىمەن تانىستىرىپ ءوتتى. ا.دۋپيكتىڭ ايتۋىنشا، «الماتىنىڭ جىل مۇعالىمى» كونكۋرسىنا الماتى قالاسىنىڭ ورتا ءبىلىم بەرۋ ۇيىمدارىنىڭ كەمىندە بەس جىل ءۇزىلىسسىز پەداگوگيكالىق ءوتىلى بار بارلىق ءپان مۇعالىمدەرى قاتىسا الادى. سونىمەن بىرگە مىندەتتى شارت – كونكۋرسقا قاتىسۋشى مۇعالىم ۇسىنعان مەكتەپتە كەمىندە 3 جىل جۇمىس ءوتىلى بولۋى قاجەت. كونكۋرس ءۇش كەزەڭدە وتكىزىلەدى: I كەزەڭ – مەكتەپىشىلىك، اعىمداعى جىلدىڭ اقپان ايىندا وتكىزىلدى. ءبىرىنشى كەزەڭنىڭ قورىتىندىسىمەن ءار مەكتەپ ەكىدەن ارتىق ەمەس جەڭىمپازداردى كونكۋرستىڭ ەكىنشى كەزەڭىنە ۇسىندى. II كەزەڭ – اۋداندىق، اعىمداعى جىلدىڭ ناۋرىز ايىندا وتكىزىلۋدە. ءىى كەزەڭ قورىتىندىسى بويىنشا ءاربىر اۋداننان ەڭ جوعارى بالل جيناعان بەس جەڭىمپاز كونكۋرستىڭ ءىىى كەزەڭىنە ۇسىنىلادى.  III كەزەڭ – قالالىق، اعىمداعى جىلدىڭ ءساۋىر-قىركۇيەك ايلارىندا وتكىزىلەدى.

بريفينگ بارىسىندا ء«بىلىم بەرۋدەگى جاڭا تەحنولوگيالاردىڭ قالالىق عىلىمي-ادىستەمەلىك ورتالىعى» قكم ءبولىم باسشىسى اكىمجان سايلىباەۆ «الماتىنىڭ جىل مۇعالىمى» اتاعىن بەرۋ قوعامدا پەداگوگ مارتەبەسىن كوتەرۋگە، كاسىبي جانە الەۋمەتتىك كەلبەتىن قالىپتاستىرۋعا، تالانتتى مۇعالىمدەردى انىقتاۋ، ولارعا قولداۋ كورسەتۋ مەن ماراپاتتاۋعا، پەداگوگيكالىق شىعارماشىلىققا ىنتالاندىرۋعا باعىتتالعاندىعىن اتاپ ءوتتى. كونكۋرستىڭ ماقساتى –  مۇعالىمدەردىڭ  شىعارماشىلىق مۇمكىندىكتەرىن اشا وتىرىپ، پەداگوگتىك شەبەرلىگىن تانىتۋ، تاربيەلىك الەۋەتى جوعارى پەداگوگيكالىق تاجىريبەنى زەردەلەۋ،  باسەكەگە قابىلەتتى تۇلعانى  قالىپتاستىراتىن يننوۆاتسيالىق تاجىريبەنى انىقتاۋ سياقتى وقۋشى بويىندا سىندارلى ويدى، فۋنكتسيونالدىق ساۋاتتىلىقتى قالىپتاستىراتىن وزىق تاجىريبەلەرگە نەگىزدەلگەن باسىمدىقتاردى قامتيدى.

كونكۋرستىڭ قالالىق كەزەڭى 5 كەزەڭنەن تۇرادى. ءبىرىنشى كەزەڭ (ىرىكتەۋ) – ءپان بويىنشا وليمپيادا، مۇعالىمنىڭ پورتفوليوسىن زەردەلەۋ. بۇل تۋردا قاتىسۋشىنىڭ وقىتاتىن پانىنە بايلانىستى تەوريالىق دايىندىعى مەن مۇعالىمنىڭ كاسىبي جەتىستىكتەرى باعالانادى. ەكىنشى كەزەڭ – (ىرىكتەۋ) «مەنىڭ يننوۆاتسيالىق پەداگوگتىك تاجىريبەم» ايدارىمەن مۇعالىمنىڭ كاسىبي شىعارماشىلىعىنىڭ تۇجىرىمدامالىق نەگىزدەرىنىڭ، ادىستەمەلىك جانە تەحنولوگيالىق قۇرىلىمىنىڭ تانىستىرىلىمى. بۇل كەزەڭدە مۇعالىمنىڭ كاسىبي شىعارماشىلىعىنىڭ تۇجىرىمدامالىق، ادىستەمەلىك جانە تەحنولوگيالىق نەگىزدەرىنىڭ وزەكتىلىگى، ناقتىلىعى، يننوۆاتسيالىعى جانە ونىڭ بايانداۋ شەبەرلىگى، جاڭاشىلدىعى، سىندارلى ويلاۋى، جوبانىڭ تاجىريبەلىك باعىتى باعالانادى. ءۇشىنشى كەزەڭ – «ساباعىم – مۇعالىمنىڭ كاسىبي تۇجىرىمىمنىڭ ايناسى» ايدارى مۇعالىمنىڭ تانىستىرىلىمىندا بايانداعان تۇجىرىمداما نەگىزىندە وتكىزىلەتىن ساباعى. كونكۋرسقا قاتىسۋشى ساباقتى باسقا مەكتەپتىڭ وقۋشىلارىمەن وتكىزەدى. بۇل تۋردا مۇعالىمنىڭ كاسىبي شىعارماشىلىعىنىڭ تۇجىرىمدامالىق نەگىزدەمەلەرى، ادىستەمەلىك جانە تەحنولوگيالىق قۇرىلىمى ساباقتا قانشالىقتى جۇزەگە اسقاندىعى، وقۋشىنىڭ فۋنكتسيونالدىق ساۋاتتىلىعىن قالىپتاستىراتىن سىندارلى ويلاۋىن، قارىم-قاتىناس جاساۋ قابىلەتى جانە كوماندادا جۇمىس ىستەۋ داعدىسىن دامىتۋدى ىسكە اسىرۋ دەڭگەيى باعالانادى. ءتورتىنشى كەزەڭ – «مەن ەلىمنىڭ پاتريوتىمىن» تاقىرىبىندا باسقا مەكتەپتىڭ وقۋشىلارىمەن تاربيە ساعاتىن وتكىزۋ. بۇل تۋردا وقۋشى بويىندا ونىڭ كىشى وتانىنا دەگەن سۇيىسپەنشىلىكتەن، قازاقستاندا تۇراتىن حالىقتاردىڭ رۋحاني-ادامگەرشىلىك قۇندىلىقتارى پريزماسى ارقىلى ۇلتتىق بىرەگەيلىكتى ساقتاۋدان باستالاتىن قازاقستاندىق ءپاتريوتيزمدى قالىپتاستىرۋداعى مۇعالىمنىڭ شىعارماشىلىق الەۋەتى مەن تاجىريبەسى باعالانادى. بەسىنشى كەزەڭ – «مەنىڭ قازاقستاننىڭ دامۋىنا قوسقان ۇلەسىم» تاقىرىبىنداعى مۇعالىمنىڭ تەلەۆيزيالىق تانىستىرىلىمى. تەلەۆيزيالىق تانىستىرىلىم «الماتى» تەلەارناسىندا وتەدى. كورەرمەندەر كونكۋرستىڭ ناقتى ءبىر قاتىسۋشىسىنا داۋىس بەرەدى. تانىستىرىلىم ۇزاقتىعى – 7 مينۋتقا دەيىن. بۇل كەزەڭدە مۇعالىمنىڭ ۇستانىمى، ءوز-وزىنە سەنىمى، سىندارلى ويى باعالانادى.

كونكۋرستىق كوميسسيا پەداگوگيكالىق، پسيحولوگيالىق جانە ادىستەمەلىك سالا عالىمدارىنان، رەسپۋبليكالىق «ۇزدىك پەداگوگ» كونكۋرستارىنىڭ جەڭىمپازدارىنان، ارداگەر-ۇستازدارىنان، جاڭاشىل-پەداگوگتار، ادىسكەرلەردەن جانە قوعامدىق ۇيىمداردىڭ وكىلدەرىنەن قۇرىلاتىن بولادى.

 

 

الماتى

سوڭعى جاڭالىقتار

ەلدىك نىشاندار تاريحى

قازاقستان • بۇگىن، 18:14

اتىراۋ: ءۇي قاماققا قامالعان قىز

ايماقتار • بۇگىن، 18:00

بيىل اۋىلعا تابيعي گاز جەتەدى

ايماقتار • بۇگىن، 14:29

ۇقساس جاڭالىقتار