اباي • 13 ناۋرىز، 2020

ماجارستاننىڭ سەگەد قالاسىندا اباي وقۋلارى ءوتتى

246 رەتكورسەتىلدى

ماجارستاننىڭ سەگەد قالاسىندا قازاقتىڭ ۇلى اقىنى اباي قۇنانباي ۇلىنىڭ 175-جىلدىعىنا ارنالعان اباي وقۋلارى ءوتتى. ءىس-شارا بارىسىندا وسى جىلى 1150-جىلدىعى اتالىپ وتەتىن عۇلاما، فيلوسوف ءابۋ ناسىر ءال-ءفارابيدىڭ دە مۇراسى تالقىلاندى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.

سەگەد ۋنيۆەرسيتەتىنىڭ التايستيكا كافەدراسىندا وتكىزىلگەن ءىس-شاراعا پروفەسسورلىق-وقىتۋشىلىق قۇرام، ۋنيۆەرسيتەتتىڭ ماجارلىق جانە قازاقستاندىق ستۋدەنتتەرى، سونداي-اق اتالعان ۋنيۆەرسيتەتتە ءدارىس بەرەتىن وتانداسىمىز ر.مۋكۋشوۆا قاتىستى.

ءوز سوزىندە ەلشى ج.ءابدراشوۆ قازاقستان مەن ماجارستان اراسىندا مادەني-گۋمانيتارلىق ىنتىماقتاستىق قارقىندى دامىپ جاتقانىن، اعىمداعى جىلى قازاقستاندا اباي قۇنانباي ۇلى مەن ءال-ءفارابيدىڭ مەرەيتويلارىن بىرگە اتاپ وتەتىنىن جەتكىزدى.

ماجار تاراپىنان گۋمانيتارلىق جانە الەۋمەتتىك عىلىمدار فاكۋلتەتىنىڭ دەكانى، پروف. ز.دەنگە جانە التايستيكا كافەدراسىنىڭ مەڭگەرۋشىسى، پروف. ي.زيموني ءسوز الىپ، اقىن مەن فيلوسوفتىڭ الەمدىك مادەني مۇراعا قوماقتى ۇلەس قوسقانىن اتاپ ءوتتى.   

ءىس-شارا بارىسىندا ماجار تىلىندە جارىققا شىققان اباي تۋرالى كىتاپتار جانە قازاقستان تاريحى تۋرالى باسقا دا كىتاپتار سەگەد ۋنيۆەرسيتەتىنىڭ كىتاپحاناسىنا سىيلىق رەتىندە بەرىلدى.

ءىس-شارا اياقتالعان سوڭ ەلشى ج.ءابدراشوۆ سەگەد ۋنيۆەرسيتەتىنىڭ حالىقارالىق جانە قوعامدىق ىستەر جونىندەگى ۆيتسە-رەكتورى پ.زاكارمەن كەزدەستى.

سوڭعى جاڭالىقتار

ەرتەڭ قىزىلوردادا كۇن كۇرت ىسيدى

ايماقتار • بۇگىن، 17:22

اقمولادا 3 ادام سۋعا كەتتى

ايماقتار • بۇگىن، 13:42

ۇقساس جاڭالىقتار