ايماقتار • 13 ناۋرىز، 2020

تۇركىستان: 2375 ءونىم زەرتتەلىپ، 200-ىندە سايكەسسىزدىك انىقتالعان

103 رەتكورسەتىلدى

تۇركىستان وبلىسى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى ونىمدەردىڭ قاۋىپسىزدىگىنە مونيتورينگ جۇرگىزۋدى بەكىتىلگەن جوسپارعا سايكەس جۇرگىزىپ كەلەدى. وتكەن جىلى دەپارتامەنت تاراپىنان 2375 ءونىم ءتۇرىنىڭ سىنامالارى زەرتحانالىق تەكسەرۋدەن وتكىزىلىپ، ناتيجەسىندە ونىڭ 200-ءىنىڭ تالاپقا ساي كەلمەيتىنى انىقتالدى. بۇل تۋرالى تۇركىستان وبلىسى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ ءباسپاسوز قىزمەتى حابارلادى.

بۇل جونىندە بۇگىن تۇركىستان وبلىسى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىندە «كاسىپكەرلىك سۋبەكتىلەرىنە بارۋمەن پروفيلاكتيكالىق قاداعالاۋ جانە باقىلاۋدى جۇرگىزۋ جانە ۇيىمداستىرۋ، تاعام جانە تاعام ەمەس ونىمدەردىڭ تەحنيكالىق رەگلامەنتتەر تالاپتارىنا سايكەستىگى بويىنشا سىنامالار الۋ» تاقىرىبىندا وتكەن سەمينار بارىسىندا ايتىلدى.

دەپارتامەنت باسشىسىنىڭ ورىنباسارى د.تاگيباەۆ تەكسەرۋ بارىسىندا نازار اۋدارىلۋى ءتيىس نەگىزگى مىندەتتەرگە توقتالىپ، سەمينارعا قاتىسۋشىلاردىڭ زەرتتەۋ بارىسىندا تۋىندايتىن ماسەلەلەرگە قاتىستى پىكىرلەرىن تىڭدادى.

تەحنيكالىق رەگلامەنتتەردى باقىلاۋ ءبولىمىنىڭ باسشىسى ج.كۇزدىكباەۆا زەرتحانالىق زەرتتەۋگە الىنعان 1537 تاعام ونىمدەرى سىنامالارىنىڭ 6،2 پايىزى، 838 تۇتىنۋ بۇيىمدارى سىنامالارىنىڭ 12،4 پايىزى تەحنيكالىق رەگلامەنت تالاپتارىنا سايكەس ەمەستىگى انىقتالعانىن اتاپ ءوتتى.

انىقتالعان كەمشىلىكتەردى جويۋ ءۇشىن وتكەن جىلى 76 سانيتاريالىق ۇيعارىم بەرىلىپ، 23 اكىمشىلىك قۇقىق-بۇزۋشىلىق ءىس قوزعالعان. جالپى سالىنعان 4 835 375 تەڭگە ايىپپۇلدىڭ 934250 تەڭگەسى سوتتىڭ قاۋلىسىمەن وندىرىلگەن. ساۋدا ورىندارىنان تەحنيكالىق رەگلامەنت تالاپتارىنا سايكەس كەلمەيتىن، جالپى قۇنى 383799 تەڭگەنى قۇرايتىن ونىمدەر جەتكىزىپ بەرۋشىلەرگە كەرى قايتارىلعان.

«ۇلتتىق ساراپتاما ورتالىعى» شجق رمك تۇركىستان وبلىسى بويىنشا فيليالىنىڭ شىمكەنت قالالىق بولىمشەسى باستىعىنىڭ ورىنباسارى ب.ابۋوۆا، سانيتاريالىق-گيگيەنالىق زەرتحانا مەڭگەرۋشىسى ا.ابديەۆا، باكتەريولوگيالىق زەرتحانا مەڭگەرۋشىسى ب.يسكاكوۆا سىنامالاردى الۋ جانە سانيتاريالىق-ەپيدەميولوگيالىق ساراپتاۋ بويىنشا سۇراقتارعا جاۋاپ بەرىپ، ءتارتىبىن ءتۇسىندىردى.

تەحنيكالىق رەگلامەنتتەر تالاپتارىنىڭ ساقتالۋىن باقىلاۋ ءبولىمىنىڭ باس مامانى ن.بەكمۇراتوۆ ونىمدەردىڭ قاۋىپسىزدىگىن مونيتورينگىلەۋ شەڭبەرىندە جوسپاردىڭ ورىندالۋ بارىسى جونىندە باياندادى.

جيىن سوڭىندا قالا جانە اۋدان دەپارتامەنت باسشىلارى جۇمىستى جۇيەلەۋ مەن جەتىلدىرۋ بويىنشا ءوز ۇسىنىستارىن ورتاعا سالىپ، ماماندارمەن كەڭەستى.

سوڭعى جاڭالىقتار

ەلدىك نىشاندار تاريحى

قازاقستان • كەشە

ۇقساس جاڭالىقتار