اقشا-نەسيە ساياساتىن ىسكە اسىرۋ بويىنشا الداعى شارالارى تۋرالى ۇلتتىق بانك توراعاسى ە. دوساەۆ, رەسپۋبليكالىق جانە جەرگىلىكتى بيۋدجەتتەردى وڭتايلاندىرۋ تۋرالى پرەمەر-ءمينيستردىڭ ءبىرىنشى ورىنباسارى – قارجى ءمينيسترى ءا. سمايىلوۆ, ونەركاسىپ سالاسىنداعى جانە ەڭبەك نارىعىنداعى جاعداي تۋرالى پرەمەر-ءمينيستردىڭ ورىنباسارلارى ر. سكليار مەن ە. توعجانوۆ باياندادى. سونداي-اق سىرتقى ىستەر ءمينيسترى م. تىلەۋبەردى, ساۋدا جانە ينتەگراتسيا ءمينيسترى ب. سۇلتانوۆ جانە رەسپۋبليكالىق شۇعىل ارەكەت ەتۋ شتابىنىڭ باسقا دا مۇشەلەرى اقپاراتپەن ءبولىستى.
وتىرىسقا قاتىسۋشىلار وتاندىق كاسىپورىنداردى قولداۋ بويىنشا قابىلدانىپ جاتقان شارالاردى, الەۋمەتتىك ماڭىزى بار تاۋارلاردىڭ باعاسى مەن وڭىرلەردەگى قازىرگى جاعدايدى تالقىلادى.
رەسپۋبليكالىق شۇعىل ارەكەت ەتۋ شتابىنىڭ مۇشەلەرى, سونداي-اق بارلىق وڭىرلەردىڭ باسشىلارى «اتامەكەن» ۇكپ باسقارما توراعاسى ا. مىرزاحمەتوۆتىڭ كاسىپكەرلىك الەۋەتتى دامىتۋ جانە حالىقتىڭ تابىسىن ارتتىرۋ ماقساتىندا جۇرگىزىلگەن وڭىرلەردىڭ سكرينينگىنىڭ قورىتىندىسى تۋرالى بايانداماسىن تىڭدادى.
ء«بىز وڭىرلەردە بيزنەستى دامىتۋعا ۇلكەن رەزەرۆتىڭ بارىن كورىپ وتىرمىز. اكىمدىكتەر يمپورتتى الماستىرۋ جۇمىسىنا بارىنشا تارتىلۋى ءتيىس. جۇرگىزىلگەن سكرينينگتىڭ ناتيجەلەرىن ەسكەرە وتىرىپ, وڭىرلەردىڭ كاسىپكەرلىك الەۋەتىن دامىتۋ ءۇشىن ناقتى ءىس-قيمىل جوسپارىن ازىرلەۋ قاجەت. ول ءۇشىن “اتامەكەن” ۇكپ الاڭىندا قاجەتتى جۇمىستاردى ۇيىمداستىرۋ كەرەك», — دەدى ا. مامين.
ۇكىمەت باسشىسى «قاراپايىم زاتتار ەكونوميكاسى» سالالارىن جەڭىلدىكپەن نەسيەلەندىرۋ باعدارلاماسىن, بيزنەستىڭ جول كارتاسىن, «ەڭبەك» جانە باسقا دا باعدارلامالاردى ىسكە اسىرۋ اياسىندا ينۆەستيتسيالىق جوبالاردى قارجىلاندىرۋ ءۇشىن قوسىمشا رەسۋرس ءبولۋ جوسپارلانعانىن اتاپ ايتتى.
پرەمەر-مينيستر وڭىرلەردەگى جاعداي تۋرالى وبلىستاردىڭ جانە رەسپۋبليكالىق ماڭىزى بار قالالاردىڭ اكىمدەرىن تىڭدادى.
«جالپى, وڭىرلەردەگى جاعداي باقىلاۋعا الىنعان», — دەدى ا. مامين.
