جۋرناليست سيرياعا اسكەري داعدارىس كەزىندە بىرنەشە رەت رەسمي تۇردە كەلىپ, «حابار24» ارناسىنا رەپورتاجدار جاسادى. ا.باتالوۆانىڭ «Sezar Films» پروديۋسەرلىك ورتالىعىنىڭ ۇجىمى سيريا ماسەلەسى, استانا پروتسەسى, سونداي-اق قازاقستاننىڭ بۇۇ قاۋىپسىزدىك كەڭەسىنىڭ مۇشەسى رەتىندەگى جۇمىسىنىڭ ناتيجەلەرى تۋرالى دەرەكتى فيلمدەردى ءتۇسىردى.
قازىرگى ۋاقىتتا سوعىس سالدارىنان زارداپ شەككەن الەپپو قالاسىنداعى تۇسىرىلگەن «ريابينا نا رۋيناح» دەرەكتى ءفيلمى ماسكەۋ كينوفەستيۆالىنە قاتىسادى.
وتكەن جىلى قازاقستاندىق جۋرناليست WinTrade حالىقارالىق ۇيىمىنىڭ «جىل ايەلى» سىيلىعىنا ۇسىنىلعان بولاتىن جانە سيريا داعدارىسىنىڭ گۋمانيتارلىق پروبلەمالارىن ايقىنداۋداعى وبەكتيۆتىلىگى جانە استانا پروتسەسىنىڭ ناتيجەلەرىن پاش ەتۋگە بەلسەندى كۇش سالعانى ءۇشىن رەسەي فەدەراتسياسى قورعانىس مينيسترلىگىنىڭ ديپلومىمەن ماراپاتتالدى.
ايەلدەر ەكونوميكالىق فورۋمى - ايەلدەر ليگاسىنىڭ (All Ladies League, ALL) عالامدىق جەلىسىنىڭ بولىگى.
سونىمەن قاتار ول – قايىرىمدىلىق كوزقاراستاعى بارلىق ناسىلدەر, مادەنيەتتەر مەن دىندەر وكىلدەرىمەن ىنتىماقتاستىقتى دامىتاتىن ەڭ ءىرى حالىقارالىق كوممەرتسيالىق ەمەس ۇيىم. اەف-ءتىڭ نەگىزىن قالاۋشى دوكتور حاربين ارورا – دۇنيەجۇزىلىك ايەلدەر ليگاسىنىڭ ءتورايىمى.
اەف جىل سايىن الەمنىڭ ءارتۇرلى ەلدەرىندە وتكىزىلەدى. بيىلعى جىلى ول كايردە مىسىر ۇكىمەتى مەن پرەزيدەنتى ابدەل فاتتاح اس-ءسيسيدىڭ قولداۋىمەن ءوتتى.
