وڭىرلىك كوممۋنيكاتسيالار قىزمەتىندە وتكەن بريفينگتە مەملەكەتتىك قىزمەت ىستەرى اگەنتتىگىنىڭ تۇركىستان وبلىسى بويىنشا دەپارتامەنتى باسشىسىنىڭ ورىنباسارى ە.ەرماحانبەتوۆ قىزمەتشىلەردىڭ 93,5%-ى جوعارى ءبىلىمدى ەكەنىن ايتىپ ءوتتى. ال دەپارتامەنت باسقارماسىنىڭ باسشىسى ن.شىنتاەۆتىڭ ايتۋىنشا, بۇگىندە 10 - «بولاشاق» باعدارلاماسىنىڭ, 24 - مەملەكەتتىك باسقارۋ اكادەمياسىنىڭ تۇلەگى, 425 - ورتا جانە ارناۋلى ورتا ءبىلىمى بار قىزمەتشىلەر حالىققا قىزمەت كورسەتۋدە. مەملەكەتتىك قىزمەتتەگىلەردىڭ 1755-ءى نازىك جاندىلار.
دەپارتامەنت قولدانىستاعى زاڭناما تالاپتارىنا سايكەس, ادەپ جونىندەگى كەڭەستەر مەملەكەتتىك قىزمەتشىلەردىڭ قىزمەتتىك ادەپتى ساقتاۋداعى جاۋاپكەرشىلىك دەڭگەيىن ارتتىرۋدى, ادەپ جونىندەگى ۋاكىلدەردىڭ قىزمەتىن ۇيلەستىرۋدى قامتاماسىز ەتەدى. «وتكەن جىلى ادەپ جونىندەگى كەڭەستە قارالعان 88 تارتىپتىك ءىستىڭ 34%-ى سەبەپتى قىسقارتىلعان. جىل قورىتىندىسى بويىنشا ادەپ جونىندەگى كەڭەستە 88 تارتىپتىك ءىس قارالىپ, ناتيجەسىندە 57 قىزمەتشى ءارتۇرلى تارتىپتىك جازاعا تارتىلدى» - دەدى دەپارتامەنت باسشىسىنىڭ ورىنباسارى ە.ەرماحانبەتوۆ.
