پرەزيدەنت نۇرسۇلتان نازارباەۆتىڭ اۋداندىق ماڭىزداعى قالالاردىڭ, اۋىلدىق وكرۋگتەردىڭ, اۋىلدىق وكرۋگ قۇرامىنا كىرمەيتىن كەنتتەر مەن اۋىلداردىڭ اكىمدەرىن سايلاۋ قورىتىندىسىنا ارناعان ۇندەۋىنەن تۋىندايتىن مىندەتتەر ايماق باسشىسى سامات ەسكەندىروۆتىڭ قاتىسۋىمەن وتكەن جيىندا باستى اڭگىمە تاقىرىبىنا اينالدى.
پرەزيدەنت نۇرسۇلتان نازارباەۆتىڭ اۋداندىق ماڭىزداعى قالالاردىڭ, اۋىلدىق وكرۋگتەردىڭ, اۋىلدىق وكرۋگ قۇرامىنا كىرمەيتىن كەنتتەر مەن اۋىلداردىڭ اكىمدەرىن سايلاۋ قورىتىندىسىنا ارناعان ۇندەۋىنەن تۋىندايتىن مىندەتتەر ايماق باسشىسى سامات ەسكەندىروۆتىڭ قاتىسۋىمەن وتكەن جيىندا باستى اڭگىمە تاقىرىبىنا اينالدى.
سامات ساپاربەك ۇلى حالىق قالاۋلىلارىنىڭ تاڭداۋىمەن بالامالى تۇردە جاڭادان سايلانعان اۋداندىق ماڭىزى بار قالالار مەن اۋىلدىق وكرۋگتەر اكىمدەرىمەن كەزدەسۋدە 194 اكىمگە ۇلكەن سەنىم ارتىلعانىن, ولاردىڭ 16,5 پايىزىن ايەلدەر قۇرايتىنىن ايتا كەلىپ, ەندىگى ماقسات ەلباسى تاپسىرمالارىن مۇلتىكسىز ورىنداۋ, حالىق ومىرىنە تىكەلەي قاتىستى قوعامدىق-ساياسي ماسەلەلەردى تاباندى شەشۋ بولىپ تابىلاتىنىن اتاپ كورسەتتى. ول ءۇشىن جەرگىلىكتى اكىمدەرگە قوسىمشا وكىلەتتىكتەر بەرىلىپ, جەكە جاۋاپكەرشىكپەن قوسا ماتەريالدىق-تەحنيكالىق, كادرلىق رەسۋرستار كۇشەيتىلدى. جەرگىلىكتى اۋىلدىق اكىمدىك اپپاراتتارى 198 بىرلىككە نىعايتىلىپ, شتاتتاردى ۇستاۋعا 70 ميلليون تەڭگە ءبولىندى.
اۋىل اكىمدەرىنىڭ باستى باقىلاۋدا ۇستايتىن وزەكتى ماسەلەلەرىنىڭ ءبىرى – جول. بيىل بۇل سالاعا 5 ميلليارد تەڭگە قاراستىرىلىپ, وبلىستىق ماڭىزى بار جولداردى كۇردەلى جوندەۋ جوسپارلى تۇردە شەشىمىن تاۋىپ كەلەدى. ساپالى اۋىز سۋعا ءزارۋ ەلدى مەكەندەر پروبلەماسىن شەشۋ ماقساتىمەن 2,4 ميلليارد تەڭگە جۇمساۋ قاراستىرىلعان. ەنەرگيا قۋاتتارىن ۇنەممەن پايدالانۋ باعىتىندا دا قىرۋار ىستەر كۇتىپ تۇر. الەۋمەتتىك نىساندار مەن كوپ قاباتتى تۇرعىن ۇيلەردىڭ الداعى قىسقى ماۋسىمعا دايىندىعى 83 پايىزدى قۇراسا دا, جەكەلەگەن اۋدانداردىڭ ازىرلىگى قاناعاتتاندىرا بەرمەيدى.
جيىندا اۋىل-سەلولاردى كوگالداندىرۋ, جاسىل جەلەككە بولەۋ جايى دا قوزعالدى. ءالى ۋچاسكەلىك ينسپەكتورلاردىڭ 62 شتات بىرلىگى جەتىسپەيتىنىن ەسكەرسەك, قوعامدىق ءتارتىپتى ورنىقتىرۋ وعايعا تۇسپەيتىنى بەلگىلى. ءبىلىم بەرۋ, الەۋمەتتىك قورعاۋ,كاسىپكەرلىكتى دامىتۋ, اسىرەسە, «بيزنەستىڭ جول كارتاسى-2020» باعدارلاماسىن جۇزەگە اسىرۋ ءوزارا ۇيلەسىمدىلىكتى قاجەت ەتەرى ءسوزسىز. اۋماقتىق ۇيلەستىرۋ كەڭەسىنە جولدانعان 325 ءوتىنىشتىڭ 88-ءى عانا اۋىل كاسىپكەرلەرىنەن تۇسكەن. سوڭعى ءۇش جىلدا 44 ميلليارد تەڭگەگە 3130 جاڭا تەحنيكالار ساتىپ الىنعان. الايدا, 194 اۋىلدىق وكرۋگتىڭ 32-ءسى عانا نەگىزگى تەحنيكالارمەن قامتاماسىز ەتىلۋى ويلاندىرماي قويمايدى.
باسقوسۋدا پارلامەنت سەناتىنىڭ دەپۋتاتى اناتولي باشماكوۆ ءسوز الىپ, اكىمدەردى ەلىمىزدىڭ وركەندەۋىنە بار كۇش-جىگەرلەرى مەن قاجىر-قايراتتارىن جۇمساۋعا شاقىردى. كەزدەسۋدەن سوڭ بارلىق دەڭگەيدەگى اكىمدەر ءۇشىن ارنايى سەمينار ۇيىمداستىرىلدى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.
