ينفەكتسيا جۇقتىرعان ازامات 2020 جىلدىڭ 2 ناۋرىزىندا موڭعولياعا ماسكەۋ-ۋلاانبااتار باعىتىنا قاتىنايتىن ۇشاقپەن كەلگەن. ول — بۇل ەلدە ۋاقىتشا تۇرۋعا تىركەلگەن 56 جاستاعى فرانتسيا ازاماتى. ودان الىنعان الدىن الا زەرتتەۋلەر ناتيجەسىندە ونىڭ «COVID-19» ۆيرۋسىن جۇقتىرعانى انىقتالدى.
ناۋقاس قازىرگى ۋاقىتتا دورنوگوۆ ايماعىنىڭ ۋلاانبادراح سۇمىنىندا (اۋىل) ورنالاسقان «ارەۆا» (موڭعولشا «بادراح ەنەرجي») كومپانياسىنىڭ عيماراتىندا وقشاۋلانعانى جايلى رەسمي دەرەككوزدەر مالىمدەپ وتىر.
وقشاۋلانعان فرانتسۋز «ارەۆا» كومپانياسىندا جۇمىس ىستەيدى. بۇگىن تاڭەرتەڭگى ساعات 6-دا توتەنشە جاعدايلار جونىندەگى ارنايى كوميسسيا باسشىسى, پرەمەر-ءمينيستردىڭ ورىنباسارى ءولزيسايحانى ەنحتۇۆشيننىڭ كەڭسەسىندە شۇعىل جينالىس وتكىزىپ, ناۋقاسپەن اۋە رەيسىندە, قوناق ۇيلەر مەن پويىزدا بىرگە بولعان ازاماتتاردى انىقتادى. جول قاتىناستارىن كەلەر دۇيسەنبىگە دەيىن توقتاۋعا شەشىم قابىلدادى.
بۇل جونىندە موڭعوليانىڭ توتەنشە جاعدايلار جونىندەگى ارنايى كوميسسيانىڭ باستىعى, پرەمەر-ءمينيستردىڭ ورىنباسارى ءولزيسايحانى ەنحتۇۆشين: «الدىن الا بولجام بويىنشا ازامات كوروناۆيرۋس جۇقتىرعان. الايدا قايتادان تەست تاپسىرىپ, راستايمىز. ەگەر جاعداي اۋىرلايتىن بولسا, ەۋروپاعا ۇشاتىن اۋە رەستەرىنىڭ بارلىعىن توقتاتامىز», - دەدى.
قۋات ۋاتحان
