التاي كولگىنوۆتىڭ ايتۋىنشا, بىلتىر ەلوردادا 2500 ۇلەسكەر قارجى قۇيىپ, داۋلى ماسەلەگە اينالعان 10 ءۇيدىڭ قۇرىلىسى اياقتالعان. بيىل 20 ءۇيدى پايدالانۋعا بەرىپ, 7 مىڭعا جۋىق ۇلەسكەردىڭ پروبلەماسىن شەشۋ جوسپارلانىپ وتىر.
پرەزيدەنت ۇلەسكەرلەرگە قاتىستى ماسەلەنى ەرەكشە باقىلاۋدا ۇستاۋ, سونداي-اق, تۇرعىن ءۇي الاپتارىن دامىتۋ جانە اباتتاندىرۋ, ءتيىستى ينفراقۇرىلىممەن قامتاماسىز ەتۋ قاجەتتىگىن ايتتى.
مەملەكەت باسشىسى قالا تۇرعىندارىن الاڭداتقان الەۋمەتتىك پروبلەمالاردى شەشۋ, قولجەتىمدى باسپانا قۇرىلىسىنىڭ كولەمىن ۇلعايتۋ, كەزەكتە تۇرعان الەۋمەتتىك جاعدايى تومەن وتباسىلارعا بەرىلەتىن پاتەرلەردىڭ سانىن كوبەيتۋ, سونىمەن قاتار, ينۆەستيتسيا تارتۋ, شاعىن جانە ورتا بيزنەسكە قولداۋ كورسەتۋ جايىندا ناقتى شارالار قابىلداۋدى تاپسىردى.
