جوسپار بويىنشا جاڭا سۋ قۇبىرىنىڭ قۇرىلىسى الداعى ماۋسىم ايىندا اياقتالىپ, تولىعىمەن ىسكە قوسىلۋى ءتيىس. وبلىس اكىمى ومىرزاق شوكەەۆ قۇرىلىس جۇمىستارىن باقىلاپ, جاۋاپتى ماماندارعا ناقتى تاپسىرمالار جۇكتەدى. تۇركىستان قالاسىندا جۇزەگە اسىپ جاتقان بىرقاتار الەۋمەتتىك ماڭىزى بار جوبالاردىڭ جۇمىسىن قاداعالاعان وبلىس اكىمى «ارىس-تۇركىستان» ارناسىنان باستاۋ الاتىن يرريگاتسيالاق سۋ ارناسىنىڭ قۇرىلىس باسىندا بولدى. كانال سۋىنان شاھارداعى ساياباقتار مەن گۇلزارلار, جول بويىن جايقالتقان جاسىل جەلەك پەن ەگىستىك القاپتار سۋارىلادى. ۇزىندىعى 3,6 شاقىرىمعا سوزىلعان سۋ ارناسى تولىعىمەن بەتوندالعان. اينالاسىنا اياقجولدار مەن ۆەلوجول توسەلۋدە. جاعالاۋىن جارىقتاندىرىپ, ورىندىقتار ورناتۋ جۇمىستارى جالعاسپاق. ال جاڭا «تۇركىستان» يندۋستريالدى ايماعىندا ورنالاسقان اكىمشىلىك-تۇرمىستىق كەشەنىنىڭ ىشكى جانە سىرتقى قۇرىلىس جۇمىستارىنىڭ 90 پايىزى ورىندالعان. وبلىس اكىمىنىڭ ءباسپاسوز قىزمەتى حابارلاعانداي, كەشەندى اباتتاندىرۋ مەن ارلەۋ جۇمىستارى ءبىر اي كولەمىندە اياقتالادى. اكىمشىلىك-تۇرمىستىق كەشەننىڭ ءبىرىنشى قاباتىندا كورمە ورتالىعى اشىلادى. ودان بولەك, ءماجىلىس زالى مەن ء«بىر تەرەزە» قاعيداسىمەن جۇمىس ىستەيتىن ورتالىق ورنالاسادى. اۋلاسىندا سالىنعان فۋتبول الاڭى مەن تەننيس كورتى دا جاقىن ارادا پايدالۋعا بەرىلمەك. ەرەكشە ديزايندە سالىنعان جاڭا ورتالىقتا كەڭسە, وندىرىستىك الاڭىمەن قاتار كاسىپورىندار وزدەرىنىڭ قۇرال-جابدىقتارىمەن كەلىپ جۇمىس ورىندارىنا جايعاسۋىنا مۇمكىندىك جاسالعان دايىن جايلاردىڭ قۇرىلىسى جۇرگىزىلۋدە. الەمدىك تاجىريبەگە ساي جۇمىس جايلارى كاسىپكەرلەرگە جەڭىلدەتىلگەن جالداۋ اقىسىمەن بەرىلەدى. مۇنداي دايىن جايلاردىڭ العاشقىسىنناۋرىز ايىنىڭ سوڭىندا اشۋ جوسپارلانعان. ەكىنشى وندىرىستىك عيمارات ءساۋىر ايىنىڭ سوڭىندا پايدالانۋعا بەرىلمەك.
