اتىراۋ وبلىسىنىڭ اكىمى باقتىقوجا ىزمۇحامبەتوۆ بىرەر كۇننىڭ ىشىندە Youtube مۋزىكالىق سايتىنىڭ جۇلدىزىنا اينالىپ شىعا كەلدى. بۇل تۋرالى كتك تەلەارناسى حابارلادى.
ارنا ءتىلشىسىنىڭ بايانداۋىنشا, جەرگىلىكتى جاستارمەن كەزدەسكەن وبلىس اكىمى جانى جاس, جۇرەگى حالىققا جاقىن ەكەنىن كورسەتكىسى كەلىپ, قولىنا گيتارا الىپ, كەشەگى كەڭەس كەزەڭىندەگى اندەردەن شىرقاپ بەرۋگە تالاپتانىپ كورگەن. «راس, ونىڭ قانداي ءاندى ايتقىسى كەلگەنىن ەشكىم تۇسىنگەن جوق», دەدى وسىعان وراي ەلەنا ستورچاك.
مۇنىڭ ەسەسىنە, اكىمنىڭ وسى پروتسەستەن كەرەمەت جاقسى اسەر العانى انىق كورسەتىلگەن بەينەسيۋجەت سول زاماتىندا ينتەرنەتكە ءتۇسىپتى. بۇل ۆيدەونىڭ جۇرتتى قىزىقتىرعانى سونشا, كوپ ۇزاماي ول ءبىر جارىم مىڭدىق داۋىس جيناعان. دالىرەگى, وسىنشاما ادام ونى كورىپ ۇلگەرگەن.
ايتقانداي, گيتارانى ب.ىزمۇحامبەتوۆكە بالالار سول جەردە سىيعا تارتقان ەكەن. بالالار جوعارى لاۋازىمدى كىسىگە وزدەرىنە نازار اۋدارعانىنا وسىلاي العىس سەزىمىن بىلدىرمەك بولىپتى. وبلىس اكىمى ايماقتىڭ اۋلا فۋتبول كوماندالارى جارىسىنىڭ جۇلدەگەرلەرىنە سىيلىقتارىن ءوز قولىمەن تاپسىرماق بولىپ كەلىپتى.
سۇلتان بوزايعىر.
