دەرەككە ۇڭىلسەك, كەيىنگى جىلدارى شاعىن جانە ورتا بيزنەس سالاسىنا قادام باسىپ, جەكە كاسىبىن اشۋعا ىنتالى ايەلدەردىڭ قاتارى وسە باستاپتى. بۇعان مەملەكەت تاراپىنان قابىلدانعان ءتۇرلى قولداۋ باعدارلامالارىنىڭ كوبەيىپ, ادامداردى كاسىپكە باۋلۋ مەن ناتيجەلى ەڭبەكپەن قامتۋ باعىتىنداعى جۇمىستىڭ جولعا قويىلۋى دا اسەر ەتىپ وتىر. وسىنى ەسكەرگەن «اتامەكەن» ۇلتتىق كاسىپكەرلەر پالاتاسى وڭىرلەردەن ءىس باستاعان ايەلدەردى قولداۋدىڭ جاڭا جۇيەسىن جاساپ شىعارىپتى. بىلتىر پالاتا جانىنداعى ىسكەر ايەلدەر كەڭەسىنىڭ باسشىلارى قىز-كەلىنشەكتەردىڭ كاسىپ باستاۋىنا قولداۋ بىلدىرەتىن قور قۇرعان. بۇل قور ءىس باستاۋعا ىنتالى نازىك جاندىلارعا ميكروكرەديت بەرۋ تەتىگىن جاساپ, بارلىق كاسىپكەرلەر ءۇشىن جالپى قارجىعا قول جەتكىزۋ ماسەلەسىن شەشۋگە مۇمكىندىك اسىرەسە, ينۆەستورلارمەن مەموراندۋمدار جاساۋعا مۇرىندىق بولا باستاعانى قور جۇمىسىنىڭ قاجەتتىلىگىن كورسەتىپ وتىر.
- ايماقتا باسىمدىققا يە سەكتورلارعا ارنالعان بيزنەس-جوبالاردى ىسكە اسىرۋ ءۇشىن ماقساتتى قارىز بەرۋ جۇيەسى جولعا قويىلدى. بۇل كاسىپكەرلەر پالاتاسى جانىنداعى ىسكەر ايەلدەر كەڭەسىنىڭ باستاماسى ەدى. ياعني, 3 ميلليارد تەڭگەگە دەيىن كولەمدەگى جارعىلىق كاپيتالدى قاجەت ەتەتىن جوبالارعا قاتىسۋعا نيەتتى كاسىپكەر ايەلدەرگە جەڭىلدەتىلگەن نەسيە بەرۋدىڭ ءبىرىنشى كەزەڭى ىسكە قوسىلدى. قازىرگە دەيىن ىسكەر قىز-كەلىنشەكتەن تۇسكەن ء تورت جۇزگە جۋىق ءوتىنىش قارالىپ, 274 ايەل ۇسىنعان جوبا ماقۇلداندى. بەرىلگەن نەسيە سوماسى 2 ميلليارد تەڭگەنى قۇرايدى, - دەيدى ىسكەر ايەلدەر كەڭەسىنىڭ جەتەكشىسى ريما سالىقوۆا.
سونداي-اق, جەتىسۋداعى ىسكەر ايەلدەر قاتارىنىڭ كوبەيۋىنە «بيزنەستىڭ جول كارتاسى – 2020» باعدارلاماسى اياسىندا بەرىلگەن قولداۋ قارجى دا وڭ ىقپال ەتىپ وتىر. وتكەن جىلى وسى باعدارلاماعا 242 نازىك جاندى كاسىپكەر قاتىسىپ, ىرىكتەۋدەن وتكەن 88 جوبانى قارجىلاندىرۋعا 141 ميلليون تەڭگە گرانت ءبولىنىپتى. ال ايماق بويىنشا شاعىن جانە ورتا بيزنەسپەن اينالىسۋشىلاردىڭ جالپى سانى 122 مىڭنان اسقان.
وسى باعدارلامانىڭ ارقاسىندا ءوز كاسىبىن جولعا قويعان ىسكەر ايەلدىڭ ءبىرى – ناتاليا رىبچەنكو. جەكە كاسىپكەر «بيزنەس كەڭەسشى» ونلاين كۋرسىنا قاتىسىپ, ىسكەرلىكتىڭ قىر-سىرىن مەڭگەرگەن. سوسىن ءوز جوباسىن جاساپ, بيزنەس-جوسپار قۇرىپ قارجى ىزدەۋگە كوشكەن. ءسويتىپ, كاسىپكەرلەر پالاتاسىنا باردى. مۇنداعى كوميسسيا مۇشەلەرى ناتاليا ۇسىنعان بالالار تەكستيلى جوباسىن بىردەن قولدادى. «بيزنەستىڭ جول كارتاسى – 2020» باعدارلاماسى بويىنشا 1,5 ميلليون تەڭگە گرانت يەلەندى.
- سابيلەرگە ارناپ تازا ماتادان تىگىلگەن كيىم-كەشەك, جۇمساق ويىنشىقتار, بولمەنى ارلەپ, بەزەندىرەتىن زاتتار ارقاشان سۇرانىسقا يە. مەن مۇنى كىشى بالاما بوسانعان كەزدە ۇقتىم. ەلىمىزدە بالا بولمەسىن جابدىقتاۋعا كەتەتىن تەكستيل ءونىمى جوقتىڭ قاسى ەكەن. دايىن زاتتار قىتاي مەن رەسەيدەن تاسىمالدانادى. بىراق باعاسىمەن ساپاسىنا كەپىلدىك جوق. سوسىن «نەگە وسىنداي ءونىمدى ءوزىمىز جاساماسقا. قولىمىزدان كەلمەي مە؟» دەگەن ويعا كەلىپ, تاۋەكەل ەتتىم. ناتيجە جامان ەمەس, - دەيدى «Diaman-metall» بالالار تەكستيلى شەبەرحاناسىنىڭ يەسى ناتاليا رىبچەنكو.
اشىلعانىنا 3 ايدان ەندى اسسا دا «Diaman-metall» دايىنداعان ونىمگە سۇرانىس بەرۋشىلەر بار ەكەن. تازا ماتادان تىگىلگەن بالالار كيىمى مەن ويىنشىقتارعا قىزىعۋشى كوپ. تالدىقورعان قالاسى بويىنشا تاپسىرىس بەرۋشىلەر قاتارى ارتا تۇسكەن. دەمەك, وتاندىق ءونىم ءوندىرۋشىنىڭ قاتارى تاعى ءبىر جاڭا شەبەرحانامەن تولىقتى دەۋگە نەگىز بار. باستىسى, باعاسىن تۇرعىنداردىڭ قالتاسى كوتەرەتىن, ساپاسى يمپورتتان ءبىر كەم ەمەس زاتتاردىڭ كوبەيگەنىنە قۋانۋ كەرەك.
ىسكەرلىك پەن ىسمەرلىكتىڭ ۇلگىسىنە اينالعان ايەل قاۋىمى اۋىلدار دا جەتەدى. مىسالى, رايىمبەك اۋدانى, نارىنقول اۋىلىنان «اقيقات» دەگەن اتپەن اياق كيىم تىگەتىن تسەح اشقان كاسىپكەر انا ورىنگۇل باراتجان سونداي تاۋەكەلشىل جان ەكەن. ونىڭ ءوندىرىسى 2014 جىلدان بەرى جۇمىس ىستەپ تۇر. جىل سايىن 1000 دانا ەتىك تىگىپ, 7000 پار اياق كيىم تىگۋدى ماقسات ەتكەن. ول ورىندالدى دا. ويلاپ قاراساق, ورىنكۇلدىڭ قارەكەتى كوپ جانعا ۇلگى بولاتىنداي. قازىر مۇمكىندىگى شەكتەۋلى ايەل بىلاي تۇرسىن, قول-اياعى بالعاداي, تەپسە تەمىر ۇزەتىن ەر-ازاماتتىڭ ءوزى قول قۋىسىرىپ ۇيىندە جاتقان جوق پا؟ ال ورىنكۇل ومىرلىك سەرىگىنە ارقا سۇيەپ, العا قادام باسۋدان شارشامادى.وتباسىندا 4 بالا ءوسىپ كەلەدى.
- العاشىندا اۋىلدان اياق كيىم جوندەيتىن ورىن اشقاندا بىزگە ك ۇلىپ تە, كۇدىكپەن دە قاراعاندار كوپ بولدى. شىنىمەن بىزدىكى تاۋەكەل ەدى. نارىنقولدا ەتىك جوندەتەتىن ادام قايدان بولسىن. سودان ءوزىمىز نەگە ەتىك تىكپەسكە دەگەن ويعا كەلدىك. اقىرىنداپ ءىسىمىزدى باستادىق. قاجەتتى بىلعارى, تەرى, تابان جاسايتىن رەزەڭكەنى الماتىدان تاسىدىق. بىلمەگەنىمىزدى سۇرادىق, ۇيرەندىك. وسىلايشا ءوزى ءوندىرىسىمىزدى جولعا قويدىق, - دەيدى اۋىلداعى كاسىپكەر انا ورىنگۇل باراتجان.
كاسىپكەر اۋىلدا تىگىلگەن اياق كيىمگە سۇرانىس ارتىپ كەلەدى دەيدى. ءارى بۇلار تىكەن ەتىك جىلدىڭ بارلىق مەزگىلىنە ارنالعاندىعىمەن ەرەكشە بولىپ تۇر. قۇنى – قالتاعا لايىق. ورىنكۇل حانىم تاۋار باعاسى قىمبات بولماۋىنا ءمان بەرەدى. ءوزى تىگىنشىلىكتىڭ قىر-سىرىنا ۇيرەتكەن 8 شاكىرتى قازىر ناعىز شەبەر بولىپ الىپتى. تسەحتىڭ جۇمىسىن 24 ساعات بويى توقتاتپاي, ەكى اۋىسىمدا, كەزەكپەن جۇمىس ىستەۋدە.
ايتپاقشى, اۋىلداعى كاسىپكەردى ءوز ءونىمىنىڭ ساپاسى ەمەس, شيكىزات پەن قاجەتتى جاراقتىڭ وتانىمىزدا شىعارىلمايتىنى الاڭداتادى. مال تەرىسىنىڭ ەلىمىزدە وڭدەلمەۋى مەن ينە, ءجىپ, تەمىر شەگە سياقتى ۇساق-تۇيەكتىڭ دە سىرتان اكەلەتىنى تاۋار باعاسىنا اسەر ەتپەي قويمايدى. الىس اۋىلداعى ىسمەر ايەلدىڭ مۇڭىن ۇكىمەتتىڭ قۇلاعىنا جەتكىزۋ بىزگە مىندەت...
الماتى وبلىسى
