تاراپتار ەكىجاقتى قاتىناستاردىڭ جاعدايى مەن كەلەشەگىن, ونىڭ ىشىندە قازاقستان رەسپۋبليكاسى مەن مار پارلامەنتتەرىندەگى ەكىجاقتى ىنتىماقتاستىق توپتارى اياسىنداعى پارلامەنتتىك بايلانىستاردى تالقىلادى.
ا.شاكىروۆ مىسىر ەلى افريكا قۇرىلىعى مەن تاياۋ شىعىس ايماعىنداعى جانە جالپى اراب الەمىندەگى قازاقستاننىڭ سەنىمدى ءارى سىندارلى ارىپتەسى ەكەنىن اتاپ ءوتتى. وسى تۇرعىدا قازاقستاندىق حالىقارالىق باستامالارعا, اتاپ ايتقاندا, ازياداعى ءوزارا ىقپالداستىق جانە سەنىم شارالارى جونىندەگى كەڭەسكە (اوسشك) جانە الەمدىك جانە ءداستۇرلى دىندەر ليدەرلەرىنىڭ سەزىنە قولداۋ كورسەتىپ كەلە جاتقانى تۋرالى دا ايتىلدى. سونىمەن قاتار, ەكى ەلدىڭ حالىقارالىق ۇيىمدار, ونىڭ ىشىندە بۇۇ جانە يىۇ اياسىنداعى ءوزارا ءىس-قيمىلىنىڭ ماڭىزى اتالىپ ءوتىلدى.
ەلشى ال-شينناۋي ەكى ەلدىڭ مەملەكەت باسشىلارى قالىپتاستىرعان جوعارى دەڭگەيدەگى ەكىجاقتى ىنتىماقتاستىقتى ءتۇرلى سالادا قارقىندى دامىتۋ قاجەتتىگىن اتاپ ءوتتى. مىسىر ەلشىسى جاھاندىق دەڭگەيدەگى دىنارالىق ديالوگ رەتىندە الەمدىك جانە ءداستۇرلى دىندەر ليدەرلەرىنىڭ سەزىن ىلگەرىلەتۋگە ودان ءارى قولداۋ بىلدىرەتىنىن ناقتىلادى.
كەزدەسۋگە قاتىسۋشىلار تۋريستىك يندۋستريانى دامىتۋعا جانە مىسىر استاناسىن كوشىرۋ جوسپارىنا وراي تاجىريبە الماسۋ تۇرعىسىندا ورتاق پىكىرگە كەلدى.
تاراپتاپ ەكى ەل اراسىنداعى ساياسي, ەكونوميكالىق, مادەني جانە گۋمانيتارلىق بايلانىستاردى ودان ءارى نىعايتۋعا قولداۋ ءبىلدىردى.
