رۋحانيات • 04 ناۋرىز، 2020

داۋلەتكەرەي كۇيلەرىنە ارنالعان سۋرەت كورمەسى (ۆيدەو)

407 رەت كورسەتىلدى

قۇرمانعازى اتىنداعى ورال ساز كوللەدجىنىڭ ستۋدەنتتەرى كۇيشى داۋلەتكەرەي شىعاي ۇلىنىڭ 200 جىلدىعىنا ارنالعان ەرەكشە كورمە ۇيىمداستىردى.

كوللەدجدىڭ «ساندىك قولدانبالى ونەر جانە ديزاين» بولىمىندە وقيتىن ستۋدەنتتەر داۋلەتكەرەي كۇيلەرىنىڭ تاقىرىبىنا، كەيىپكەرلەرىنە ارناپ سالعان سۋرەتتەرىن كۇيشى مەرەيتويىنا تارتۋ ەتىپتى. ءبىر قىزىعى، بۇل تۋىندىلاردىڭ دەنىن ستۋدەنتتەر كۇيشى شىعارماسىن تىڭداي ءجۇرىپ سالعان ەكەن.

1داۋلەتكەرەي شىعاي ۇلى – ۇلى كومپوزيتور. دومبىرا اسپابىندا تورە كۇيلەرى مەكتەبىنىڭ كوشباسشىسى. سونىمەن قاتار سوڭىنا «قۇداشا»، «قوس القا»، «اقبالا قىز»، «مۇڭدى قىز»، «جەڭگەمسۇيەر»، «جۇمابيكە»، «كوركەم حانىم» سىندى كەرەمەت كۇيلەر قالدىرىپ، ايەل وبرازىن ولمەس شىعارمالارىنا ەڭ كوپ ارقاۋ ەتكەن سازگەر. داۋلەتكەرەيدىڭ تولعانىسقا، فيلوسوفياعا تولى «جىگەر»، «توپان»، «اڭشىلىق» سەكىلدى ليريكالىق كۇيلەرىن دە ءبىزدىڭ شاكىرتتەرىمىز جاقسى بىلەدى. وسى كۇيلەردى ساباق بارىسىندا ويناپ، ۇيرەنىپ جۇرەدى. ەندى مىنە، تەك مۋزىكا باعىتىنداعى ەمەس، سۋرەت، ديزاين سالاسىندا وقيتىن ستۋدەنتتەرىمىز دە داۋلەتكەرەيدىڭ شىعارماشىلىعىن ءبىلىپ، ناسيحاتتاپ جاتقانىنا قۋانىشتىمىز، - دەيدى كوللەدج ديرەكتورى، قازاقستان رەسپۋبليكاسى مادەنيەت سالاسىنىڭ ۇزدىگى نۇرجان سەرتەك.

2

 

باتىس قازاقستان

 

سوڭعى جاڭالىقتار

ۇقساس جاڭالىقتار