بۇعان قوسا, اكىمشىلىك-ىسكەرلىك ورتالىقتىڭ اۋماعىنان جەكە قۇرىلىس كومپانياسى ءوز قاراجاتى ەسەبىنەن 12 قاباتتى 32 تۇرعىن ءۇيدىڭ قۇرىلىسىن جۇرگىزۋدە. جىل سوڭىنا دەيىن 12 تۇرعىن ءۇي تاپسىرىلماق. جالپى قۇرىلىسقا 600-دەن استام جۇمىسشى جۇمىلدىرىلعان. بيىل پايدالانۋعا بەرىلەتىن تۇرعىن ءۇي قۇرىلىسى نىساندارىن ارالاپ, ساپاسىن تەكسەرگەن وبلىس اكىمى ومىرزاق شوكەەۆ جۇمىستىڭ باياۋ ءجۇرىپ جاتقانىن ايتىپ, قۇرىلىستى مەرزىمىندە اياقتاۋدى تاپسىردى. بۇل ورايدا ءوندىرىستىك كەستەدەن ارتتا قالىپ قويعان بىرقاتار مەردىگەر مەكەمەلەرگە ايىپپۇلدار سالىنىپ, تەحنيكالىق قاداعالاۋشى مەكەمەگە ەسكەرتۋ حاتتار جولدانىپتى. سالا باسشىلارى مەن مەردىگەر كومپانيالاردىڭ قوجايىندارىمەن كەزدەسۋىندە وبلىس اكىمىنە جۇمىس قولىنىڭ تاپشىلىعى مەن قاعازباستىلىقتىڭ قولبايلاۋ بولىپ جاتقانى ايتىلدى.
جاڭا پاتەرلەردى ءوز كوزىمەن كورىپ, سپاسىن تەكسەرگەن ءو.شوكەەۆ قۇرىلىس كومپانيالارىنىڭ باسشىلارىنا ينفراقۇرىلىمدىق جۇيەنىڭ تۇتىنۋعا ساقاداي ساي بولۋى ءتيىس ەكەنىن ايتىپ, جۇمىسشىلار سانىن ارتتىرۋدى تاپسىردى.
