كوكتەمنىڭ العاشقى كۇنىندە جاستار عاسىر جاساعان ارداقتى انانى قۇرمەتتەپ, سانالى ۇرپاق تاربيەسىنە, ەلدىڭ, ءوڭىردىڭ دامۋىنا سىڭىرگەن ەڭبەگى, ونەگەلى ءومىرى ءۇشىن العىس ايتتى. شامبەك راحمانوۆا 1916 جىلى ورداباسى اۋدانىندا دۇنيەگە كەلگەن. سانالى عۇمىرىن اۋىلشارۋاشىلىعى سالاسىنا ارناعان. ماقتا ءوسىرۋ ىسىندە ەڭبەك وزاتى بولعان. بۇل كۇندە ۇل-قىزدارىنان 29 نەمەرە, 65 شوبەرە, 15 شوپشەك ءسۇيىپ وتىر.
ەرىكتىلەر گۇل شوعىن سىيلاپ, كوكتەم مەرەكەسىمەن قۇتتىقتاعان اجەنىڭ اڭگىمەسى مەن قيمىلى شيراق. عاسىر, ياعني 104 جىل جاساعان انا ۇزاق ءومىر ءسۇرۋدىڭ سىرى ەڭبەكتە, دەيدى. ابىز انا ءوزىن ىزگى نيەتپەن ىزدەپ كەلگەندەرگە: «جاستارىڭ جۇزگە كەلە بەرسىن, ۇرپاقتارىڭ 1000 - عا جەتسىن, كۇندە ۇيلەرىڭدە توي بولسىن, امان بولىڭدار شىراقتارىم!», دەپ اعىنان جارىلا اق باتاسىن بەردى.
تۇركىستان وبلىسى
