جول قىزمەتتەرى تاۋلىك بويى كەزەكشىلىك ۇيىمداستىرىپ, اۆتوجولدار مەن جول قۇرىلىستارىنا كۇن سايىن پاترۋلدەۋ جۇرگىزەدى. سۋ تاسقىنى كەزەڭىندە جۇمىستاردى ۋاقىتىلى ۇيىمداستىرۋ ءۇشىن جانار-جاعار مايدىڭ 644 تونناسى, قۇمنىڭ 8,1 مىڭ, تاستىڭ 6,8 مىڭ, قيىرشىق تاستىڭ 17,2 مىڭ تەكشە مەترى, 45,5 مىڭ دانا قاپ, 25 دانا تەمىر-بەتوندى قۇبىر دايىندالدى. جالپى دايىندىق 90% قۇرايدى. سۋ وتكىزگىش قۇبىرلاردى جانە كوپىر ارنالارىن قاردان تازالاۋ جۇمىستارى باستالىپ كەتتى. سۋ باسۋ قاۋپى ءتونىپ تۇرعان نىسانداردا جول-پايدالانۋ تەحنيكاسىنىڭ 883 بىرلىگى بەكىتىلگەن.
ەسكە سالايىق, وتكەن جىلعى سۋ تاسقىنى كەزەڭىندە رەسپۋبليكالىق ماڭىزى بار اۆتوموبيل جولدارىنىڭ قوزعالىس بولىگى سۋ استىندا قالۋىنىڭ 38 وقيعاسى تىركەلگەن بولاتىن. مۇنداي وقيعالاردىڭ سانى بويىنشا قاراعاندى وبلىسى كوش باستادى. وڭىردەگى جولداردىڭ سۋ استىندا قالۋى بويىنشا 26 وقيعا تىركەلگەن-ءدى. اقمولا وبلىسىندا جول ۋچاسكەلەرىن سۋ باسۋدىڭ 7, شىعىس قازاقستان مەن پاۆلودار وبلىستارىندا – 2, سولتۇستىك قازاقستان وبلىسىندا – 1 وقيعاسى ورىن العان. وسىنىڭ سالدارىنان جول جيەكتەرى, جاساندى قۇرىلىستار شامالى بۇزىلعان بولاتىن. كەلتىرىلگەن زالالدىڭ جالپى سوماسى 90,3 ملن تەڭگەنى قۇرايدى. سۋ تاسقىنى سالدارىنان بولعان ولقىلىقتاردى جول قىزمەتتەرى دەر كەزىندە جويدى.
