قىرعىز قىزى

كورمە زالىنىڭ قاراكولەڭ­كە­لەۋ تۇسىنا ىلىنگەن تانىس سۋرەتكە وسى جولى از-كەم توقتالا كەت­كە­نىمىز ءجون-اۋ دەگەن وي كە­لەدى. قا­را­­­ڭىزشى, ۇستىنە اق كويلەك, كوك جەلەتكى كيىپ, باسىنا قىزىل ورامال تارت­قان قاراپايىم عانا قىرعىز قى­زى. قولىندا كىتابى بار. تاۋ بوك­تە­رىن­دەگى ايىلدان شىعىپ, مەك­تەپكە قاراي كەلە جاتقان ءتارىزدى.

ارت جاقتا قالعان ايىلدىڭ ەكى-ءۇش ءۇيى, الىستاعى ماڭگىلىك قار جا­مىلعان تاۋ شىڭدارى كورىنەدى. اس­پان اشىق. كۇن شۋا­عىنا مالىنعان كەڭ دالا­نىڭ جۇپار ءيىسىن, جىلى لەبىن سەزەسىز.

بۇل – ماڭگىلىك ءتىرى بەينە. كارتي­نانىڭ الدىنا بار­عاندا, ءوز-وزىڭىزدەن بىلاي ىعى­سىپ, الگى قىزعا جول بەرىپ, جانى­ڭىزدان وتكىزىپ جىبەرگىڭىز كەلىپ تۇرادى...

ءبىر كەزدەرى قىلقالام شە­بەر­لە­رىنە كەڭەس ۇكىمەتى مەن كوم­مۋ­نيس­­تىك پارتيانىڭ جەڭى­سىن بەينەلەۋ مەملەكەتتىك تاپسىرىس بولىپ جۇك­تەلگەنى راس. قىرعىزستاندا تۋىپ-وسكەن دارىندى سۋرەتشى س.ا.چۋيكوۆ تا وت­كەن عاسىردا وسىنداي تاپ­سىر­مالاردى ورىنداۋعا ءتيىس ەدى.

ايتسە دە, ول وزىنە جۇكتەلگەن مىن­دەتكە سۋرەتكەرلىك شەبەر­لىكپەن مۇلدە باسقاشا رەڭ بەرىپ, بەلگىلى ءبىر كەزەڭنىڭ عانا ەمەس, ماڭگىلىكتىڭ قازىناسىنا اي­نالاتىنداي شىنايى ونەر تۋىندىسىن جاسادى. سوندىق­تان دا, بۇل كارتينانىڭ باس­تى تاقىرىبى – تازا, ءمولدىر تابيعات پەن ومىرگە قۇشتار جاس ۇرپاق بولىپ قالدى.

سۋرەتشىنىڭ 1939-1948 جىل­دار ارالىعىندا سالعان «قىر­عىزداعى كولحوز سيۋيتاسى» تسيكلىنا ەنگەن وسىناۋ تاماشا تۋىندى ءاۋ باستا «كەڭەستىك قىر­عىزستان قىزى» دەپ اتالدى. ال قازىر ونى ونەرسۇيەر قاۋىم جاي عانا «قىرعىز قىزى» دەپ اتاعاندى ءجون كورەدى.

ونەر زەرتتەۋشىلەرىنىڭ ايتۋىنا قاراعاندا, سۋرەتشى بۇل كارتينانى قىرقىنشى جىل­داردىڭ سوڭىنا تامان 13-14 جاستار شاماسىنداعى ورتا-ساي ايىلىنىڭ قىزى ايجا­مال وعاباەۆاعا قاراپ وتىرىپ سالعان.

قىلقالام شەبەرى سەمەن چۋيكوۆ 1980 جىلى, 78 جاسىندا ماسكەۋدە دۇنيەدەن ءوتتى.

ونىڭ «قىرعىز قىزى» كار­تي­ناسى ورتالىق ازياداعى ماڭ­گىلىك ونەر تۋىن­دىلارىنىڭ ءبىرى بولىپ قالدى.