جەتىسۋ ەرىكتىلەرىنىڭ فرون-كەڭسەسى اشىلدى

ايماقتار • 02 ناۋرىز، 2020

جەتىسۋ ەرىكتىلەرىنىڭ فرونت-كەڭسەسى اشىلدى

جاقىندا نۇر-سۇلتان قالاسىندا وتكەن ەرىكتىلەر جىلىنىڭ اشىلۋ سالتاناتىندا مەملەكەت باسشىسى قاسىم-جومارت توقاەۆ رەسپۋبليكالىق ۆولونتەرلەر شتابىنىڭ اشىلعاندىعىن رەسمي تۇردە جاريا ەتكەن ەدى. وسى جيىندا پرەزيدەنت توقاەۆ الماتى وبلىسىنىڭ جاستارىنا «تازا الەم» جانە ء«بىلىم» باعىتتارى بويىنشا بەلسەندى جۇمىس ىستەۋدى تاپسىرعان بولاتىن.

قالماحانبەت مۇقامەتقالي

بۇل مىندەتتى ۇلكەن جاۋاپكەرشىلىكپەن مويىندارىنا العان جەتىسۋلىق جاستار ەرىكتىلەر قوزعالىسىنا جان ءبىتىردى. مىنە، الماتى وبلىسى جاستار ساياساتى باسقارماسى جانىنان ايماق ۆولونتەرلارىنىڭ جۇمىسىن جۇيەلەيتىن «Birgemiz Jetisy» اتتى فرونت-كەڭسە اشىلدى. كەڭسەنىڭ رەسمي اشىلۋ راسىمىنە «قازاقستاننىڭ 100 جاڭا ەسىمى» جوباسىنىڭ جەڭىمپازى، ۆولەيبولدان قازاقستان جاستار قۇراماسىنىڭ كاپيتانى، جاس ۆولونتەر سەرىك ەسماتوۆ، وبلىستىڭ ۆولونتەر-دەمەۋشىلەرى، سونداي-اق ايماقتىڭ ەڭبەك ارداگەرلەرى مەن قۇرمەتتى ازاماتتارى قاتىستى. شارا اياسىندا وڭىردە ەرىكتىلەردىڭ جۇمىسىن دامىتۋعا باعىتتالعان ۇسىنىس-پىكىرلەردى جيناقتاۋ، ورتاعا سالۋ ماقساتىندا باسقوسۋ ءوتتى.

- بۇل فرونت-كەڭسە وبلىس ۆولونتەرلارىنىڭ باس قوساتىن ورىنى عانا ەمەس، ەرىكتىلەر جۇزەگە اسىراتىن ىزگى ىستەر باستاۋ الاتىن ورتالىققا اينالماق. جاستاردىڭ باستى ماقساتى – قوعامداعى كومەككە مۇقتاج ادامدارعا كومەكتەسۋ. ءبىز وتكەندە نۇر – سۇلتان قالاسىندا وتكەن ەرىكتىلەر جيىنىنا قاتىستىق. رەسپۋبليكالىق شتابتىڭ جۇمىسىمەن تانىستىق. الماتى وبلىسىندا اشىلعان فرونت-ءوفيستىڭ قىزمەتى مەملەكەت باسشىسى جۇكتەگەن مىندەتتەردى مۇلتىكسىز جۇزەگە اسىرۋعا باعىت بەرەتىن «مي ورتالىعى» سياقتى بولسا ەكەن دەيمىز، - دەيدى الماتى وبلىسى جاستار ساياساتى باسقارماسىنىڭ باسشىسى جومارت قاراتاس.

ايتپاقشى، بيىلدان باستاپ مەملەكەت باسشىسى قاسىم-جومارت توقاەۆ ەرىكتىلەردىڭ اتقارعان جۇمىسىنىڭ زاڭدى نەگىزى جاسالاتىنىن ايتتى. بۇل ەلىمىزدىڭ بارلىق ەرىكتىلەرى سياقتى جەتىسۋلىق جاستاردى شابىتتاندىردى. جانە جاستاردىڭ ۆولەنتەرلىككە ارناعان جىلدارى ەڭبەك ءوتىلى رەتىندە ەسەپكە الىنۋى دا ەرىكتەلەردىڭ كوپتەن كۇتكەن جاعىمدى جاڭالىعى ەدى. سونداي-اق، ەرىكتىلەردىڭ ەڭبەگىنە قاراي كوتەرمەلەۋ اقىسىمەن، ستيپەنديامەن ىنتالاندىرۋ جايى دا شەشىلمەكشى. بۇل دا ۆولەنتەرلىكتىڭ بەدەلىن كوتەرىپ، ەرىكتىلەردىڭ قىزمەتىنە دەگەن قۇرمەتتى ارتتىرماق. قازىردىڭ وزىندە الماتى وبلىسىنىنڭ ستۋدەنت جاستارى اراسىندا ەرىكتىلەردىڭ قاتارىنا سۇرانۋشىلاردىڭ لەگى كوبەيىپ كەلەدى ەكەن.

وبلىس ەرىكتىلەرى «Birgemiz Jetisy» اتتى فرونت-كەڭسە اشىلۋىنا وراي قايىرىمدىلىق اكتسياسىن ۇيىمداستىردى. ولار تالدىقورعان قالاسىنداعى كوپبالالى جانە از قامتىلعان 20 وتباسىعا كومەك كورسەتتتى. ەرىكتىلەر ەسىگىن قاقان ۇيلەردە ون ءتورت جالعىزباستى انا مەن كوپ بالالى جانە از قامتىلعان وتباسىلار بار. ەندى بۇل يگى ءىس بارلىق اۋداندا جالعاسىپ، «Birgemiz» مارشرۋتى بويىنشا دەمەۋشىلەر مەن ەرىكتىلەر دايىنداعان سىيلىقتار، ازىق-ت ۇلىك، كيىم-كەشەك پەن قاجەت قاراجات تا مۇقتاج وتباسىلارعا جەتكىزىلمەكشى.

جەتىسۋلىق ەرىكتىلەر ءۇشىن جاستارعا جۇكتەلەگەن مىندەتتەر قالىپتى شارۋا دەسەم قاتەلەسپەسپىن، ءوڭىر جاستارى بىلەك سىبانىپ جۇمىس ىستەۋدى داستۇرگە اينالدىرعان. ءبىز تابيعاتتى ايالاۋعا، ارداگەرلەر مەن قارتتارعا كومەك كورسەتۋدە ۇنەمى باستاماشى بولىپ ءجۇرمىز، ءتارتىپ ساقشىلارىنا كومەكشى بولىپ، قوعامدىق باقىلاۋعا دا ۇلەس قوسىپ وتىرمىز. بيىل اۋىل جاستارىنىڭ ءبىلىمىن ارتتىرۋعا، ونىڭ ىشىندە اعىلشىن ءتىلىن وقىتۋعا ءوز كۇشىمىزدى جۇمساۋعا كىرىسەمىز. بۇعان وبلىستاعى 17 اۋدان مەن 3 قالادا بارلىق جاعداي جاسالىپ وتىر، - دەيدى جەتىسۋلىق ۆولونتەرلاردىڭ جەتەكشىسى ەرجان داۋلەتباەۆ.

الماتى وبلىسى