اۋىر قىلمىس جاساعان جاساعان وزبەكستان ازاماتى قىزىلوردادا ۇستالدى. بۇل تۋرالى وبلىس پروكۋرورىنىڭ اعا كومەكشىسى عابيت الماعامبەتوۆ حابارلادى.
«ۇستىمىزدەگى جىلدىڭ 6 ايىندا اۋىر ساناتتاعى قىلمىس جاساپ, مەملەكەتارالىق ىزدەۋدە جۇرگەن وزبەكستاننىڭ 3 ازاماتىنا ادەتتەن تىس قاماۋ شاراسى قولدانىلدى. ونىڭ ىشىندە 1-ءى بويىنشا قازاقستان رەسپۋبليكاسى باس پروكۋراتۋراسىنىڭ كەلىسىمى بويىنشا وزبەكستان رەسپۋبليكاسىنىڭ قۇزىرلى ورگاندارىنا بەرىلدى», - دەلىنگەن وندا.
وبلىستىق ىشكى ىستەر دەپارتامەنتى قىزمەتكەرلەرى پروفيلاكتيكالىق جەدەل ءىس-شارالارىن جۇرگىزۋ كەزىندە قىزىلوردا قالاسىداعى «اقمەشىت» شاعىن اۋدانىندا وزبەكستان رەسپۋبليكاسىنىڭ 1982 جىلى تۋعان ازاماتى فاحراددين سايدوۆتىڭ قانداي دا ءبىر ازاماتتىعىن انىقتايتىن قۇجاتى جوق ەكەنى انىقتالىپ, قالالىق مامانداندىرىلعان اكىمشىلىك سوتىنىڭ قاۋلىسىمەن قابىلداۋ-تاراتۋ ورنىنا 30 تاۋلىككە اكىمشىلىك قاماۋعا الىنعان. ال جەكە باسىن انىقتاۋ ناتيجەسىندە ونىڭ وزبەكستان رەسپۋبليكاسى حيۋا اۋداندىق سوتىنىڭ 2013 جىلعى 1 ساۋىردەگى ۇيعارىمىمەن اۋىر قىلمىسىن جاساعانى ءۇشىن مەملەكەتارالىق ىزدەۋ جاريالانعانى بەلگىلى بولدى.
قىزىلوردا قالالىق سوتىنىڭ قاۋلىسىمەن سوسىن سايدوۆ فاحراددين اتيازوۆيچ 40 تاۋلىككە ادەتتەن تىس قاماۋعا الىندى. سودان كەيىن قالالىق سوتتقاۋلىسىمەن ونىڭ مەرزىمى 2 ايعا دەيىن ۇزارتىلدى. ناتيجەسىندە باس پروكۋرورىنىڭ ءبىرىنشى ورىنباسارى ي. مەركەلدىڭ ف.سايدوۆتى وزبەكستان رەسپۋبليكاسىنىڭ قۇزىرلى ورگاندارىنا بەرۋ تۋرالى قاۋلىسىنا سايكەس, ول وزبەكستان رەسپۋبليكاسىنىڭ قۇزىرلى ورگاندارىنا تاپسىرىلدى.
قۇرىش نۇرىمبەت.
